Кобахьиа: ажәлар ралхра пату ақәҵалатәуп

© Sputnik / Томас ТхайцукИмҩаԥысит Аԥсны Аҩныҵҟатәи аусқәа рминистрра апрес-конференциа
Имҩаԥысит Аԥсны Аҩныҵҟатәи аусқәа рминистрра апрес-конференциа - Sputnik Аҧсны
Анапаҵаҩра
НовостиTelegram
Аԥшьаша, хәажәкыра 23 рзы имҩаԥысит Аԥсны Аҩныҵҟатәи аусқәа рминистрра апрес-конференциа. Иара азкын Апарламент ахь алхрақәа аҩбатәи ртур.

АҞӘА, хәажәкыра 23 — Sputnik, Роберт Џьопуа. Аԥшьаша, хәажәкыра 23 рзы имҩаԥысит Аԥсны Аҩныҵҟатәи аусқәа рминистрра апрес-конференциа. Иара азкын Апарламент ахь алхрақәа аҩбатәи ртур. Алхрақәа аҩбатәи ртур ҭынчрала имҩаԥысып ҳәа агәра ганы дыҟоуп аминистр.

"Аимак азы мзызк ыҟам. Агәра згоит алхрақәа зегьы ҭынчрыла, еилибакаарыла имҩаԥысып ҳәа. Акызаҵәык исгәамԥхо – асоциалтә ҳақәа рҟны иахәҭамкәа аҳәынҵәеиқәтәара аныҟалало ауп. Ажәлар иҟарҵаз алхра, иуҭахы иуҭахым пату ақәҵалатәуп", — иҳәеит Кобахьиа.

Аҩныҵҟатәи аусқәа рминистр ихаҭыԥуаҩ Нугзар Ҳагәышь иазгәеиҭеит аминистрреи, Ашәарҭадаратә маҵзуреи, Апрокуратура хадеи ишеицаԥырҵаз аоперативтә штаб. Иара азырхоуп алхрақәа аҩбатәи ртур ршәарҭадара аиҿкаара.

"Хәажәкыра 25 инаркны ауаажәларратә зинтә еиҿкаара ахьчаразы аусурақәа ҳарӷәӷәоит. Иахәҭаны иҟалар аҭыԥ ахь инеиша арезервтә гәыԥқәагьы азыхианы иҟоуп", — иҳәеит Ҳагәыш.

Кобахьиа ааигәа аҭыԥ змаз, амашьынақәа амца рыцраҵара ахҭысқәа дрылацәажәо иҳәеит "ари ицәаԥҽыгоу усуп" ҳәа.

Иара иажәақәа рыла аусҭҵаараз аусурақәа цоит, иаарласны ацәгьара зуз рхаҭарақәа шьақәыргылахоит.

Аԥсны Апарламент ахь алхрақәа мҩаԥысуан хәажәкыра 12 рзы. Алхрақәа аҩбатәи ртур амҩаԥысра арыцхә ҳәа ишьақәыргылоуп хәажәкыра 26.

Ажәабжьқәа зегьы
0