АҞӘА, хәажәкыра 29 — Sputnik. Аҵыхәтәантәи амшқәа рзы илеиз аси уи иашьҭанеиз аҵаареи Москватәи амҩақәа рҟны автотранспорт аныҟәара дыруадаҩит. Амҩатә ныҟәара аиҿкаара Москватәи Ацентр амашьына аԥсҟы зку зегь рахь аҳәара ҟанаҵоит ргәы рҽанызарц. Абри атәы аанацҳауеит РИА Новости.
Ацентр адыррақәа рыла аныҟәара акыр иуадаҩуп.
"Амҩақәа рҟны амашьынақәа ықәышьқьраауеит. Аиҳаракгьы аныҟәара уадаҩуп ацҳақәа, аестакадақәа рҟны. Уи адагьы аҩадара ахаларақәа раан атранспорт иацәыцәгьоуп", ҳәа аҳәоит адырраҭараҟны.
Аиҳаракгьы амашьынақәа гәаран ҟаҵаны игылоуп МКАД-и ақалақь агәахьы ицо амҩақәеи рҟны. Акоммуналтә маҵзурақәа русурақәа нарыгӡоит, амҩақәа ареагентқәа рнырыԥсалоит.
Аҵаа зықәшәу акаҭранмҩақәа рҟны амашәыртә ҭагылазаашьақәа рацәахар алшоит. Усеиԥш ҟамларц азы Ацентр аусзуҩцәа аҳәара ҟарҵоит амашьынақәа рыццакырақәа ирыцрымҵаларц, аԥсҟы зку ргәы рҽанызарц. Иара убасгьы амҩатә ԥҟарақәа рықәныҟәара хымԥадазароуп.
