Кәарҷиа: Аҟәа ацқьареи арҽеиреи рзы аштаб аԥҵоуп

© Sputnik / Томас ТхайцукАҟәа
Аҟәа - Sputnik Аҧсны
Анапаҵаҩра
Ауаажәларратә палатаҟны имҩаԥысит аилатәара 2017 шықәсазтәи акурорттә сезон аҽазыҟаҵара иазкны. Аилатәара рҽаладырхәит Аҟәа Ахадара, Акурортқәеи атуризми рминистрра, Аҩныҵҟатәи аусқәа рминистрра, Ахәаахәҭра-ааглыхратә палата, Аҭагылазаашьа ҷыдақәа рминистрра рхаҭарнакцәа.

АҞӘА, мшаԥымза 5 – Sputnik, Бадри Есиава. Ахаша, мшаԥымза 5 рзы Ауаажәларратә палатаҟны имҩаԥысит аилатәара 2017 шықәсазтәи акурорттә сезон аҽазыҟаҵара иазкны. Аилатәара рҽаладырхәит Аҟәа Ахадара, Акурортқәеи атуризми рминистрра, Аҩныҵҟатәи аусқәа рминистрра, Ахәаахәҭра-ааглыхратә палата, Аҭагылазаашьа ҷыдақәа рминистрра рхаҭарнакцәа.

Аҟәа ақалақь Ахадараҟны иаԥҵоуп аштаб, ақалақь ацқьареи аиҿкаареи хылаԥшра рызҭо, иҳәеит Аҟәа Ахада ихаҭыԥуаҩ Леон Кәарҷиа.

"Иазыԥхьагәаҭоуп иара убасгьы ақалақь абаҳчақәа, аԥсшьарҭа ҭыԥқәа рҭыԥ рықәҵара, реиҿкаара", — иҳәеит иара.

Кәарҷиа иара убасгьы иазгәеиҭеит амҩақәа асоура ашьҭахь акыр ишыԥхасҭахаз. Урҭ аремонт рзуразы ақалақь абиуџьет аҟынтәи аԥарақәа шырзоужьу.

Ира иажәақәа рыла уажәы аусурақәа цоит Арӡынба имҩаҟны. Иазыԥхьагәаҭоуп Џьонуа имҩеи Агәмаа имҩеи аремонт рзура. Ақалақь алашаркра акәзар ауадаҩрақәа амоуп, аха акурорттә сезон иахьыгӡахоит аплофонқәа рыԥсахра. Уи адагьы иаахәоуп 120 рҟынӡа агәамсам еизакырҭа аконтеинерқәа. Ақалақь ӡыла аиқәыршәара дазааҭгыло Кәарҷиа иҳәеит аӡымҩангагатә система акапиталтә ремонт шаҭаху.

Ажәабжьқәа зегьы
0