Петербургтәи атеракт мҩаԥызгаз ихьӡ еилкаауп

© Sputnik / Алексей Даничев / Амедиаҵәахырҭахь аиасраПетербургтәи атеракт мҩаԥызгаз ихьӡ еилкаауп
Петербургтәи атеракт мҩаԥызгаз ихьӡ еилкаауп - Sputnik Аҧсны
Анапаҵаҩра
Ашьаусҭҵааратә еилакы анапы ианҵоуп Санкт-Петербург атеракт мҩаԥызгаз Акбаржон Джалилов атеррористтә гәыԥ "Исламское государство" дадҳәалоу дадҳәаламу аилкаара.

АҞӘА, мшаԥымза 5 — Sputnik. Ашьаусҭҵааратә еилакы анапы ианҵоуп Санкт-Петербург атеракт мҩаԥызгаз Акбаржон Джалилов атеррористтә гәыԥ "Исламское государство" дадҳәалоу дадҳәаламу аилкаара. Акбаржон Джалилов дахьынхоз аҩнаҟны аԥшаарақәа мҩаԥгоуп, лҳәеит аԥшааратә еилакы ахаҭарнак Светлана Петренко, Урыстәылатәи Афедерациа Ашьаусҭҵааратә еилакы аиҳабы Александр Бастрыкин имҩаԥигаз аилацәажәара ашьҭахь.

"Акбаржон Джалилов дахьынхоз аҩнаҟны аԥшаарақәа мҩаԥгоуп. Иара аҩны дандәылҵуаз инапаҟны асумкеи ариукзаки шикыз удырбоит адәынтәи хылаԥшра авидеонҵамҭақәа", — лҳәеит Петренко.

Аилацәажәара иалахәын Урыстәыла Ашәарҭадаратә маҵзуреи Аҩныҵҟатәи аусқәа рминистрреи роперативтә ҟәшақәа рхаҭарнакцәа.

"Уажәтәи аамҭазы ирыҿцәажәоуп 40-ҩык рҟынӡа ауааԥсыра: аметрополитен аусзуҩцәа, адәыӷба абригада алахәылацәа, ахҭыс алахәцәа. Адәынтәи ахылаԥшрақәа рвидеонҵамҭақәа рыҭҵаара иаҿуп", — лҳәеит лара.

Атеракт мҩаԥигеит ҳәа ишьақәыргылоуп Киргизиа атәылауаҩ Акбаржон Джалилов, 1995 шықәса рзы ииз. Иара ихаҭа иакәзар авагон аҟны иҽԥижәеит.

Ажәабжьқәа зегьы
0