Аида Чачхалиаԥҳа лажәақәа рыла, аибашьра ҟалаанӡа Тҟәарчал 30 нызқь инареиҳаны ауааԥсыра нхон, уажәы 5-нызқь ҩык роуп инхо.
Тҟәарчал араион ахада Аида Чачхалиаԥҳа ақалақь иахьатәи аԥсҭазаара атәы дазааҭгылеит
"Тҟәарчал иахьатәи аҭагылазаашьа уахәаԥшуазар, аибашьра анеилгаз раԥхьатәи ашықәсқәа аҭагылазаашьа еиҳа еиӷьын уажәтәи аасҭа. Усҟан аус руан азауадқәа "Аргонавт", "Заря", аремонт-механикатә зауад ҳәа иҟаз. Ҭырқәтәылантәи иааз ҳџьынџьуаҩ Ҭаифун Арӡынба ибзоурала арацәа аҵхра иалаган, исгәалашәоит абиуџьет профицитны ианыҟазгьы. Иаангылеит арҭ азауадқәа. Ҵыԥх аихшьаалақәа иҟарҵаз удыргәырӷьартә иҟаӡам. 61% рҿынӡоуп иахьынӡанаҳагӡаз ҳбиуџьет", — лҳәеит Чачхалиаԥҳа.
