Агәамсам Аҟәатәи агәамсамеизакырҭахь иааргалоит

© Sputnik / Pavel LisitsynАгәамсам
Агәамсам - Sputnik Аҧсны
Анапаҵаҩра
Асабша, мшаԥымза 8 рзы аиланхарҭа Дружба ауааԥсыра амшын иаԥну агәамсамкаԥсарҭахь инеиуа амҩа ааныркылеит, уахь амашьынақәа намышьҭуа, иҳәеит Гәдоуҭа араион Ахада ихаҭыԥуаҩ Даур Ӡиӡариа.

АҞӘА, мшаԥымза 11 — Sputnik, Бадри Есиава. Гәдоуҭа араион аҟны еизыркуа агәамсам зегьы Аҟәа, Алашарбагаҟны иҟоу агәамсамеизакырҭахь иргалоит, иҳәеит Гәдоуҭа араион Ахада ихаҭыԥуаҩ Даур Ӡиӡариа.

Агәамсамкаԥсарҭа - Sputnik Аҧсны
Аиланхарҭа Дружба ауааԥсыра агәамсамкаԥсарҭахь амҩа ркит

"Асабша ашьыжь агәамсамкаԥсарҭа ааигәа-сигәа инхо ауааԥсыра уахь инеиуа амҩа ааныркылеит, уахь амашьынақәа намышьҭуа. Иара убри аамҭазы Гәдоуҭа араион акоммуналтә маҵзурақәа ақалақь аҟны еизаз агәамсам рзықәгомызт. Аҟәаҟа, Алашарбага араион аҟны иҟоу агәамсамеизакырҭахь амашьынақәа дәықәаҳҵар акәхеит", — иҳәеит Ӡиӡариа.

Аиланхарҭа Дружба, ақыҭақәа Аҷандара, Аацы руааԥсыра хымшуп Гәдоуҭа араион иаҵанакуа агәамсамкаԥсарҭахь амҩа ркиижьҭеи.

Ауаа агәҭынчымра рнаҭоит агәам зегьы амшын ахь иҿыӡәӡәааны иахьнанаго. Ианырбылуа акәзар, ааигәа-сигәа инхо зегьы афҩыцәгьа иқәнаргылом. Ахәыҷқәа, адуқәа амшын изҭалом, рҽырзыкәабом.

Абри азҵаара аӡбразы араион Ахада иахь ауаа нашьҭын. Асеиԥш иҟоу акциақәа уаанӡагьы имҩаԥыргахьан.

2016 шықәса, лаҵарамзазгьы аиланхарҭа ауааԥсыра абри азҵаара акыр ирҵарны иқәдыргылахьан.

Ажәабжьқәа зегьы
0