Акультуратә ҭынхақәа иаку рсиа ашьақәыргылара, системала реиқәыршәара, тематикала рыҭҵааразы апрограмма аус ауеит ԥсны акультура аминистрраҟны.
"Акультуратә баҟақәа рсиа аиқәыршәара актәи аетап хырқәшан 2016-шықәсазы, аҩбатәи аетап аус адулара ҳаҿуп. Хәарада ирацәоуп апроблемақәа, иара апрограммеи азакәани русура аҟны. Акультуратә баҟақәа ашәарҭара иҭагылоуп, убри аҟынтә Баҭал Кобахьиеи ҳареи ҳалацәажәаны иҳаӡбеит, сынтәа имҩаԥаҳгоит аконференциа акультуратә баҟақәа рыхьчара иазку. Анаҩсан иаԥаҳҵоит апремиа "иреиӷьу акультуратә баҟақәа рыхьчаразы аусумҭа", — ҳәа лҳәеит аминистр.
Аҭоурыхтә культуратә ҭынха – ари акырзҵазкуа хәҭоуп аҳәынҭқарраҿы, ажәлар уи азхьаԥшуа иҟазароуп, ҳәа азгәеиҭеит акультуреи аҭоурыхтә-культуратә ҭынха амнистр лхаҭыԥуаҩ, Аԥсны аҭоурыхтә-культуратә ҭынха адепартамент ахада Баҭал Кобахьиа.
