Лаҵарамза 4 рзы Аҟәа аӡы ҟалом

© Sputnik / Константин Чалабов / Амедиаҵәахырҭахь аиасраЛаҵарамза 4 рзы Аҟәа аӡы ҟалом
Лаҵарамза 4 рзы Аҟәа аӡы ҟалом - Sputnik Аҧсны
Анапаҵаҩра
НовостиTelegram
Лаҵарамза 4 рзы ақалақь агәи, ашьхара иахьаԥнуи, ВИЕМ, Кьалашәыр, Турбаза рраионқәеи, Ажәытә ҳаблаҿи аӡыржәтә ауааԥсыра рыҭара аанкылахоит.

АҞӘА, лаҵарамза 3 — Sputnik, Амра Амҷԥҳа. Имам Шамиль имҩаҟны аканализациатә коллектор аремонттә усурақәа ахьазыруа инамаданы, лаҵарамза 4 рзы ақалақь агәи, ашьхара иахьаԥнуи, ВИЕМ, Кьалашәыр, Турбаза рраионқәеи, Ажәытә ҳаблаҿи аӡыржәтә ауааԥсыра рыҭара аанкылахоит ҳәа Sputnik акорреспондент илзеиҭеиҳәеит Аҟәа ақалақь Ахадара Акоммуналтә Усбарҭа аиҳабы Дмитри Аҳәба.

"Ара инхо ауааԥсыра агәынамӡара рымоуп аканализациа хыҵны адәы иқәлоит ҳәа. Ирыцқьатәуп. Ԥхьаҟа, Акомплекстә план инақәыршәаны аколлектор аремонт азухоит, уаанӡа иара аамҭа-аамҭала арыцқьара аҭахуп", — иҳәеит Аҳәба.

Дмитри Аҳәба иазгәеиҭеит аколлектор арыцқьара шымҩаԥнаго "Аӡыканал", ладариа имҩаҟны аӡымҩангага аремонт азура аҳҭнықалақь Ахадара аремонт-ргыларатә Усбарҭа алагараны иҟоуп.

Ажәабжьқәа зегьы
0