Аԥсны еизгоу ашьапылампылтә команда аветеранцәа шәачатәи "Жемчужина" иаԥыргеит

© Sputnik / Владимир Песня / Амедиаҵәахырҭахь аиасраАԥсны еизгоу ашьапылампылтә команда аветеранцәа шәачатәи "Жемчужина" иаԥыргеит
Аԥсны еизгоу ашьапылампылтә команда аветеранцәа шәачатәи Жемчужина иаԥыргеит - Sputnik Аҧсны
Анапаҵаҩра
НовостиTelegram
Аԥсны еизгоу акоманда аветеранцәеи шәачатәи аклуб "Жемчужина" аветеранцәа рыцыхәмарра мҩаԥысит Шәача, лаҵарамза 2 рзы.

АҞӘА, лаҵарамза 4 – Sputnik, Бадраҟ Аҩӡба. Аԥсны еизгоу акоманда аветеранцәеи шәачатәи аклуб "Жемчужина" аветеранцәа реиҩызаратә еицыхәмарра мҩаԥысит Шәача, лаҵарамза 2 рзы. Ахәмарра хыркәшахеит 5:4 аԥсуа команда аиааирала. Абри атәы ҳкорреспондент изааицҳаит Аԥсны ашьапылампыл азы афедерациа аиҳабы Џьума Кәарацхьелиа.

"Ахәмарра аиҩызара ҟазшьа аманы имҩаԥысуан. Актәи атаим аан ҳара ҩ-мпылк ҳацәҭашәеит, аха нас иҳалҳаршеит аҭак аҟаҵарагьы аиааирагьы", — иҳәеит иара.

Аԥсны ахьӡала иқәгылан еицырдыруа ашьапылампыласыҩцәа: Ахрик Цәеиба, Руслан Аџьынџьал, Ҭамаз Енықь, Роберт Бостанџьиан, Георги Чалигаа, Џьума Кәарацхьелиа.

"Аԥснытәи акомандаҟны иналукаауа ихәмаруан Роберт Бостанџьиани, Руслан Аџьынџьали, Ҭамаз Енықьи. Ҳара ҳазыҟаҵаҩ аханатә инаркны аиааира хықәкны иҳаиҭеит", — иҳәеит Кәарацхьелиа.

"Аԥснытәи акоманда далахәын азыҟаҵаҩ, уаанӡатәи ашьапылампыласыҩ Иури Логәуа. Шәачатәи акоманда иалахәын Урыстәыла ачемпионат иреиҳау алигаҿ ахәмарыҩцәа аӡәырҩы", — иҳәоит афедерациа аиҳабы.

Аԥсны еизгоу акоманда аветеранцәеи шәачатәи аклуб "Жемчужина" аветеранцәа реиҩызаратә еицыхәмарра мҩаԥысит Шәача, лаҵарамза 2 рзы. Ахәмарра хыркәшахеит 5:4 аԥсуа команда аиааирала.

Ажәабжьқәа зегьы
0