АҞӘА, лаҵарамза 4 – Sputnik. Аԥсны иҟоу Урыстәыла Аладатәи арратә база аррамаҵзурауаа еиуеиԥшым ахырхарҭақәа (арадиациатә, абиологиатә, ахимиатә) рыла инарҭбаау аҽазыҟаҵарақәа мҩаԥыргоит. Абри атәы Sputnik иазаанацҳаит аокруг апресс-маҵзура лаҵарамза 4 рзы.
2017 шықәса ажьырныҳәаахыс арадиациатә, ахимиатә, абиологиатә хьчара иазку аҽазыҟаҵарақәа 15 мҩаԥыргахьеит.
"Аҽазыҟаҵарақәа мҩаԥысуан иаԥҵоу анормативқәа инарықәыршәаны, иҷыдоу амаҭәарқәеи ахимиатә ԥшыхәра амашьынақәа РХМ-6 рхархәарала", ҳәа арбоуп адырраҭараҟны.
Аҽазыҟаҵарақәа рсценариа ала "атеррористцәа" аизакырҭақәа арԥжәагақәа рыҵаҵареи рыԥжәареи рҽазыршәон. Арҭ аҭыԥқәа рҟны "атеррористцәа" рнырҵәараз ауснагӡатәқәа мҩаԥыргон арратә округ аррамаҵзурауаа.
Атерроризм иаҿагыло аҽазыҟаҵарақәа ирылахәын 100-ҩык рҟынӡа аррамаҵзурауаа, арратә техника 10 цырак рҟынӡа, аимитациатә зариадқәа 20, адырраҭаратә ракетақәа 10.
