АҞӘА, лаҵарамза 5 – Sputnik, Бадри Есиава. Жәаха шықәса зхыҵуаз, Чакриан зыжәлаз аӡӷаб хәыҷы амашьына лысит Гагра араион Бзыԥҭа ақыҭан. Ахәыҷы лыԥсҭазаара далҵит, ҳәа ҳзааицҳаит Аԥсны ААР абаталион аиҳабы Муртаз Первелиа.
"Аӡӷаб амҩа еихылҵәон. Амашьына аԥсҟы икын 1992 шықәса рзы ииз Дмитри Жьиба. Жьиба иажәақәа рыла амашьына аццакыра 60-70 километра иҟан. Ахәыҷы дшыԥсыз иара макьана иаҳамҳәац", — иҳәеит Первелиа.
Жьиба амедицинатә гәаҭара дахрыжьит, уи алҵшәақәа иаадырԥшит иара арыжәтә мамзаргьы анаркотикатә маҭәашьар илаҵаны дшыҟамыз.
Чакриан ахәышәтәырҭаҟны лыԥсҭазаара далҵит.
