АҞӘА, лаҵарамза 11 – Sputnik, Бадри Есиава. Аԥсны Жәлар Реизарахь алхырҭатә ҭыԥ № 17 аҟны иҟоу аиҭалхрақәа инарыдҳәаланы аҩныҵҟатә тәылауааҩшәҟәқәа рыҿҳәара иацҵоуп лаҵарамза 15 2017 шықәса рҟынӡа.
Абри азы ақәҵара рыдыркылеит Аԥсны Аминистрцәа реилазаараҟны ҳәа аанацҳауеит Аминистрцәа Реилазаара апресс-маҵзура.
"Аԥсны атәылауаа рзеиԥштәылауаҩратә шәҟәы аҿҳәара иацҵазааит лаҵарамза 15 2017 шықәса рҟынӡа, Аԥсны Жәлар реизарахь адепутатцәа ралхразы абжьыҭира арманшәаларазы", ҳәа арбоуп ақәҵараҟны.
Алхырҭатә ҭыԥ № 17 аҟны иқәгылоуп ҩыџьа акандидатцәа: Леонид Лакербаиеи Леонид Чамагәуеи.
