Константин Озган изку афильм ддырбараны иҟоуп лаҵарамза 15 рзы

© Sputnik / Томас ТхайцукКонстантин Озган изку афильм ддырбараны иҟоуп лаҵарамза 15 рзы
Константин Озган изку афильм ддырбараны иҟоуп лаҵарамза 15 рзы - Sputnik Аҧсны
Анапаҵаҩра
НовостиTelegram
Афильм аҿы еидкылоуп Константине Озган изку Аҩада Кавказ иатәу хә-республикак ринтеллигенциа ахаҭарнакцәа ргәалашәаарқәа.

АҞӘА, лаҵарамза 15 – Sputnik, Бадраҟ Аҩӡба. Еицырдыруа аполитикатә, ауаажәларратә усзуҩы Константин Озган изку ателефильм ддырбараны иҟоуп лаҵарамза 15 рзы, лҳәеит апроект автор, ажурналист Екатерина Бебиаԥҳа.

"Константин Озган 75-шықәса ихыҵра иазкны ахәылԥаз амҩаԥгара сыгәҭакын. Уи азы иара санизнеи иҳәеит асеиԥш иҟоу аӡбра аиҳабыра шракәу издызкылаша. Аха аиҳабыра рахь снеир имуит. Иара ус иагьаанхеит уи спроект нагӡамкәа", — лҳәеит лара.

Озган иҟазшьа ус акәын ишыҟаз, ахӡыргара бзиа ибомызт, ҳәа лҳәоит лара.

Константин Озган. - Sputnik Аҧсны
Бебиаԥҳа Константин Озган изкны: сырҿиараҿы ихьӡ ӷәӷәала иаласахеит

"Аибашьра ҟалаанӡеи ашьҭахьи изныкымкәа Константин Константин-иԥа напхгара зиҭоз аделегациақәа срыцны сныҟәахьан. Сара ибзианы избон Нхыҵ Кавказ ауааԥсыра Озган ишизыҟаз", ҳәа еиҭалҳәоит Бебиаԥҳа.

Лара лажәақәа рыла Константин Озган иԥсҭазаара даналҵ ашьҭахь илыӡбеит Нхыҵ Кавказ дцаны дыздыруаз, иидыруаз ргәалашәарақәа еизылгарц.

Екатерина Бебиаԥҳа иазгәалҭеит Константин Озган Аԥсны жәлар Рџьынџьтәылатә еибашьраан хатәгәаԥхарала ауаа ааны реибашьразы иҟаиҵаз шырацәоу.

"Аибашьра ҟалаанӡагьы Аԥсныи Нхыҵ Уаԥстәылеи дыцҳаны дырзыҟалахьан. Константин Озган еснагь амилаҭ ҵысра агәҭаҵәҟьа дгылан", ҳәа лгәалалыршәоит лара.

Константин Озган ихцәажәақәоз дреиуан Адыга тәыла уаанӡатәи Апрезидент Аслан Џьаримов.

"Аслан Џьаримов — Владислав Арӡынба иҩыза бзиа, игәалашәарақәа хәы рымам ҳәа исыԥхьаӡоит", — лҳәеит ажурналист.

Константин Озган диит Гәдоуҭа араион, Лыхны ақыҭан, лаҵарамза 15 1939 шықәса рзы. 1978 — 1989 шықәсқәа рзы Аԥсны имҩаԥысуаз аполитикатә қәгыларақәа активла дрылахәын. Амилаҭ-хақәиҭратә қәԥара иалахәра дахырҟьаны қарҭаа Гәдоуҭатәи араиком актәи амаӡаныҟәгаҩс дахьыҟаз аҟынтә ихы дақәиҭыртәит. Еиуеиԥшым ашықәсқәа рзы Озган Аԥсны Адәныҟатәи аусқәа рминистрреи Аԥсны Аекономика аминистрреи напхгара риҭон, Аԥсны Апарламент адепутатс дыҟан.

Аҵыхәтәантәи ишықәсқәа рзы Абыргцәа рхеилак ахадараҿы дгылан. Иԥсҭазаара далҵит хәажәкыра 22 2016 шықәса рзы.

Ажәабжьқәа зегьы
0