АҞӘА, лаҵарамза 15 — Sputnik. Португалиатәи ашәаҳәаҩ Сальвадор Собрал, ашәа Amar Pelos Dois наигӡон. Иара ашәаҳәаратә конкурс "Евровидение-2017" аҟны 758-бжьы иоуит, актәи аҭыԥгьы ааникылеит, ҳәа аанацҳауеит РИА Новости.
"Евровидение" афинал аҟны еиԥылеит Молдавиа, Азербаиџьан, Бырзентәыла, Швециа, Португалиа, Польша, Ермантәыла, Австралиа, Кипр, Бельгиа, Болгариа, Белоруссиа, Хорватиа, Венгриа, Даниа, Израиль, Румыни, Норвегиа, Нидерланды, Австриа рҟынтәи ашәаҳәаҩцәа.
Иара убас аконкурс афинал аҟны иқәгылеит аконкурс ашьаҭаркыҩ-тәылақәа: Британиа ду, Италиа, Испаниа, Франциа, Германиа рҟынтәи ашәаҳәаҩцәа.
Урыстәыла ахьӡала дықәгылараны дыҟан Иулиа Самоилова, аха Украина Ашәарҭадаратә маҵзура лара уахь лнеира мап ацәыркит.
Украина "Евровидение-2017" амҩаԥгара азин аиуит Џьамала Стокгольм 2016 шықәса рзы аиааира анылга ашьҭахь.
Урыстәыла ари аконкурс 19-нтә иалахәхахьеит. 2008 шықәса рзы Дима Билан актәи аҭыԥ ааникылеит. 2000, 2006, 2012, 2015 шықәсқәа рзы Урыстәылатәи ашәаҳәаҩцәа аҩбатәи аҭыԥқәа ааныркылеит.
