Аԥснытәи амузеи Москваҟа аекспозициақәа агоит

© Sputnik / Виталий Белоусов / Амедиаҵәахырҭахь аиасраАԥснытәи амузеи Москваҟа аекспозициақәа агоит
Аԥснытәи амузеи Москваҟа аекспозициақәа агоит - Sputnik Аҧсны
Анапаҵаҩра
Сынтәа Аԥснытәи аҳәынҭқарратә музеи Москва, лаҵарамза 25-29 рзы имҩаԥысуа Жәларбжьаратәи афестиваль "Интермузеи" иалахәхоит.

АҞӘА, лаҵарамза 18 — Sputnik, Владимир Бегунов. Аԥснытәи аҳәынҭқарратә музеи аетнографиатә експозициа Москва, лаҵарамза 25-29 рзы имҩаԥысуа Жәларбжьаратәи афестиваль "Интермузеи" аҟны ицәыргахоит.

"Сынтәа Аԥсны иаиуит ааԥхьара афестиваль алахәра адагьы аекспозициақәа рцәыргаразы. Аҳәынҭқарратә музеи аетнографиатә експозициа ҳгоит Москваҟа. Ҳделегациа иара убасгьы ирылахәхоит астол гьыжьқәа, аиҿцәажәарақәа реиԥш иҟоу еиуеиԥшым ауснагӡатәқәа", ҳәа лҳәеит Аԥсны Акультура аминистр Ельвира Арсалиаԥҳа.

Аминистр лхаҭыԥуаҩ Баҭал Кобахьиа амузеитә експонатқәа реиҭашьақәыргыларазы атехнологиа ҿыцқәа ирызку астол гьежь далахәхоит.

"Аԥсны ари азҵаара акыр иҵарны иқәгылоуп. Асовет аамҭақәа рзы аекспонатқәа Москва, Ленинград иганы аус рыдырулон. Уажәы ҳара иҳамам азакәан акультуратә беиарақәа атәыла ралгара азин ҟазҵо. Ҳара уи ҳҭахуп аекспонатқәа реиҭашьақәыргылара адагьы егьырҭ амузеиқәа рҟны иқәыргыланы ауаа ирбартә ираҳартә рыҟаҵаразы", — иҳәеит Кобахьиа.

Москва, лаҵарамза 25-29 рзы Жәларбжьаратәи афестиваль "Интермузеи" мҩаԥысуеит.

Ажәабжьқәа зегьы
0