Абоксер Чежьиеи абоксиор Вычкины еицықәгылараны иҟоуп

CC0 / / Абоксер Чежьиеи абоксиор Вычкины еицықәгылараны иҟоуп
Абоксер Чежьиеи абоксиор Вычкины еицықәгылараны иҟоуп - Sputnik Аҧсны
Анапаҵаҩра
Аԥснытәи аспортсмен Баҭал Чежьиа Дон иҽԥынгылоу Ростов аҟны имҩаԥысраны иҟоу апрофессионалтә бокс ахәылԥаз аҟны дықәгылоит.

АҞӘА, лаҵарамза 22 – Sputnik, Бадраҟ Аҩӡба. Аԥснытәи аспортсмен Баҭал Чежьиа Дон иҽԥынгылоу Ростов аҟны имҩаԥысраны иҟоу апрофессионалтә бокс ахәылԥаз аҟны дықәгылоит, ҳәа Sputnik акорреспондент изеиҭеиҳәеит Аԥсны апрофессионалтә бокс Афедерациа апрезидент Алик Қарди-оглы.

Аринг аҟны Баҭал Чежьиа дицықәгылараны дыҟоуп урыстәылатәи аспортсмен Артиом Вычкин. Аԥсуа спортсмен иазыҟаҵаҩ иажәақәа рыла иара даара иҽазҵәылхны аҽазыҟаҵарақәа дырҿуп.

Аԥсуа спортсмен Баҭал Чежиа - Sputnik Аҧсны
Баҭал Чежиа: Пиатигорск имҩаԥысраны иҟоу ақәгылара сҽазыҟасҵоит

Баҭал Чежьиа ари аицлабрахь днарыԥхьеит Анапа имҩаԥысуаз ареитингтә қәгылараҿы аиааира анига ашьҭахь.

Анапа имҩаԥысыз абоксиортә шоу "Гладиаторы ринга" аҟны Баҭал Чежьиа москватәи аспортсмен Фуад Мурадов иаԥигеит.

"Аҽазыҟаҵарақәа ҳарҿуп. Баҭал уажәы Пиатигорск аҽазыҟаҵаратә лагер аҟны дыҟоуп", — иҳәеит Карди оглы.

Атренер ишиҳәо ала Баҭал аиааира игәҭакны дыҟоуп.

"Баҭал уажәы аиааира игар иреитинг акыр ихалон", — иҳәеит азыҟаҵаҩ.

Ашоу аҟны имҩаԥысраны иҟоуп ақәгыларақәа жәба.

"Ишиашоу ицо атранслиациа мҩаԥнагараны иҟоуп ателеканал "Абаза-ТВ", — иҳәеит Афедерациа апрезидент.

Ажәабжьқәа зегьы
0