Ешба: аҳаирбаӷәаза аартхар аԥсшьацәа ҳтәылахь раара мариахоит

© Sputnik / Томас ТхайцукВладислав Арӡынба ихьӡ зху Жәларбжьаратәи аҳаиртә баӷәаза
Владислав Арӡынба ихьӡ зху Жәларбжьаратәи аҳаиртә баӷәаза - Sputnik Аҧсны
Анапаҵаҩра
Владислав Арӡынба ихьӡ зху Жәларбжьаратәи аҳаиртә баӷәаза адиректор хада Виачеслав Ешба дазааҭгылеит Аԥсны иҟоу Урыстәыла ахәаахәҭратә хаҭарнак Владимир Некрасови иареи реицәажәара алҵшәақәа.

АҞӘА, лаҵара 24 – Sputnik, Бадраҟ Аҩӡба. Аҳаирбаӷәаза аартхар, ҳтәылахь аԥсшьацәа раара мариахоит, иҳәеит Владислав Арӡынба ихьӡ зху Жәларбжьаратәи аҳаиртә баӷәаза адиректор хада Виачеслав Ешба арадио Sputnik иеиҭаз аинтервиу аҟны.

Аԥсны иҟоу Урыстәыла ахәаахәҭратә хаҭарнак Владимир Некрасови, Аҟәатәи аҳаиртә баӷәаза аиҳабы Виачеслав Ешбеи реиԥылараҿы ирылацәажәеит аҳаирбаӷәаза иамоу ауадаҩрақәа, аинвестициақәа рганахь ала ауаа азҿлымҳара ҟарҵартә еиԥш аусура аиҿкаара шаҭаху.

"Ҳалацәажәеит Аҟәатәи аҳаиртә баӷәаза акәша-мыкәша иҟоу апроблемақәа, абаӷәаза аус замуа. Еилаҳкаауан цхыраарас акыр рзыҟаҵома, дара уажә ааигәоуп аусура ианалага, Аԥсны аинтерес змоу аҭыԥқәа ирыдҵаалоит, аҳаиртә баӷәазагьы уахь иналаҵаны", — иҳәеит Ешба.

Иара иажәақәа рыла, Аҟәатәи аҳаиртә баӷәаза аартхар, Аԥсны аекономика арҿиара аус аҿы акыр ихәарҭаны иҟалоит.

Виачеслав Ешба арадио Sputnik иеиҭаз аинтервиу шәазыӡырҩыр ҟалоит абра

Уи агәра ганы дыҟоуп, аҳаирбаӷәаза аусура еиҭашьақәыргылазар, Аԥсныҟа иаауа аԥсшьацәа рзы иманшәалахоит, уи ареспублика аекономика арҿиара иацхраауеит.


Ажәабжьқәа зегьы
0