АҞӘА, рашәарамза 1 – Sputnik, Бадри Есиава. 400-ҩык рҟынӡа Аԥсныи Урыстәылеи рҟынтәи аҿар рыԥсы ршьараны иҟоуп аԥхынраз Аԥснытәи ашьхақәа рҟны. Абри атәы иҳәеит Аҿартә политиказы Аԥсны аҳәынҭқарратә еилакы ахантәаҩы Алиас Аҩӡба арадио Sputnik Аԥсны аинтервиу аҭо.
"Ҳара ҳапроектқәа зегьы жәларбжьаратәи аҟазшьа рымоуп, аха раԥхьаӡа акәны ариаҟара ауаа рацәа алахәхоит. Аԥсшьараамҭа ҩ-хәҭакны еихшахоит", — иҳәеит иара.
Аилак ахантәаҩы иҳәеит асоциалтә проектқәа рзы аҵаратә программақәа шымҩаԥгахо. Алагер аҳәаақәа ирҭагӡаны аус рулоит асеминарқәа, атренингқәа, атреннинг-сессиақәа.
Алиас Аҩӡба арадио Sputnik Аԥсны иеиҭаз аинтервиу шәазыӡырҩыр ҟалоит абра
Рашәарамза 20-25 рзы Хыԥсҭа имҩаԥысраны иҟоуп инарҭбаау аҿар рфорум. Аҵаратә лагер "Лидер 2017" мҩаԥысуеижьҭеи ҩынтәуп.
