Арбитражтә ӡбарҭа 20 шықәса ахыҵит

CC0 / / Арбитражтә ӡбарҭа 20 шықәса ахыҵит
Арбитражтә ӡбарҭа 20 шықәса ахыҵит - Sputnik Аҧсны
Анапаҵаҩра
НовостиTelegram
Арбитражтә ӡбарҭа 20 шықәса ахыҵра амшныҳәа иазкны Аԥсны Аминистрцәа Реилазаараҟны имҩаԥысит агәырӷьаратә еилатәара.

АҞӘА, рашәарамза 7 – Sputnik, Бадраҟ Аҩӡба. Аԥсны Арбитражтә ӡбарҭа аԥҵара аԥсуа закәанԥҵараҿ иналукааша хҭысны иҟалеит, лҳәеит аӡбарҭа ахантәаҩы Фатима Кәыҵниаԥҳа агәырӷьаратә еилатәараҿы.

"Аӡбарҭа аԥҵара ахаҿы игылаз рылшамҭа акыр идууп", — лҳәеит лара.

Аԥсны Аҳәынҭқарра Арбитражтә ӡбарҭа ашьақәгылара мҩаԥысуан ҳҳәынҭқарра аибашьра ашьҭахьтәи аҿиара амҩа иананыз аамҭазы, азакәанԥҵара ҿыц аиҿкаараани аӡбарҭатә практика шьақәгыла аҟамзаара аамҭази. Абарҭ аамҭақәа зегьы рыҩныҵҟа Арбитражтә ӡбарҭа иааҟәымҵӡакәа изызҳауаз, иӷьацоз, зусура аиӷьтәрала аекономика анхамҩатә субиектқәа рзинқәа зыхьчо усбарҭаны иҟалеит.

Аԥсны Ахада Рауль Ҳаџьымба Аԥсны Арбитражтә ӡбарҭа ахантәаҩы Фатима Кәыҵниаԥҳаи аколлективи ирыдиныҳәалеит аӡбарҭа еиҿкаауижьҭеи 20-шықәса ахыҵра.

"Агәра згоит ареспубликаҟны аӡбарҭатә реформа аекономикатә зинӡбара хра аманы иҟанаҵап ҳәа, аекономикатә еимак-еиҿакқәа рметодқәа реиӷьтәра иацхраап ҳәа. Ҩеижәа шықәса аамҭа рацәоуп ҳәа узҳәом, аха иҟоуп ҳаззыгәдухаша. Арбитражтә ӡбарҭа аколлектив зегьы ишәзеиӷьасшьоит апрофессионалтә қәҿиарақәа, аӡбарҭатә система аиӷььтәраҿы алагала дуқәа", — ҳәа иҳәеит атәыла Ахада.

Атәыла Ахада инапы аҵеиҩит "Аԥсны Аҳәынҭқарра зҽаԥсазтәыз азиндырыҩ" ҳәа аҳаҭыртә хьӡы Фатима Кәыҵниаԥҳаи Валери Ӷәырџьуеи рыхҵаразы Аусԥҟа.

Ажәабжьқәа зегьы
0