АҞӘА, рашәара 7 — Sputnik, Бадраҟ Аҩӡба. Аполитикцәа аамҭак азы иааиуеит нас ицоит, иџьашьатәӡам Александр Анқәаб (Аԥсны уаанӡатәи ахада – аред.)депутатс дахьалырхыз, иҳәеит Рауль Ҳаџьымба ахаша рашәарамза 7 рзы имҩаԥигаз апресс-конференциаҿы.
"Иара иполитикатә усура иациҵеит Апарламент аҿы", — ҳәа азгәеиҭеит Ҳаџьымба.
Атәыла ахада иажәақәа рыла, Анқәаб депутатс иалхра Аԥсны аполитикатә ԥсҭазаара иақәшәоит, ԥхьаҟа Апарламент аҿаԥхьа ишьҭоуп ирацәаны аусқәа, уажәтәи Жәлар Реизара адепутатцәагьы Аԥсны иахәаша аусура иацырҵоит, ҳәа агәрагара ааирԥшит Ҳаџьымба.
Аԥсны ахада Рауль Ҳаџьымба апресс-конференциа мҩаԥигеит ахаша рашәарамза 7 рзы. Далацәажәеит аҳәынҭқарра аекономикеи, ашәарҭадареи, акурорттә усхки егьырҭ еиуеиԥшым азҵааракәеи рзы имҩаԥнаго аусқәа ртәы.
