Аԥсны Ахада иабжьгаҩ Владимир Занҭариа иажәақәа рыла, ахатәы бызшәа аҵаразы акурсқәа рымҩаԥысшьеи, аминистрцәа реилазаара ирыдыиҵаз адҵа анагӡареи шымҩаԥысуа Атәыла Ахада Рауль Ҳаџьымба илаԥш ахыуп.
"Абызшәа ахархәара ашьҭыхра ҳәа иаҳҳәаз ус баша иҳәаны ҳацәхьаҵуа ҟалашьа амаӡам. Аусурақәа цоит, ҳалаԥш ахыуп, Аҳәынҭқарра ахада дацклаԥшуеит идҵа анагӡара шымҩаԥсыуа. Арҭ акурсқәа алҵшәа бзиақәа шаанарԥшуа агәра згоит", — ҳәа иҳәеит Занҭариа.
Аԥсны Ахада иабжьгаҩ Владимир Занҭариа дазааҭгылоит аҳәынҭқарратә бызшәа аҵаразы еиҿкаау акурсқәа
Владимир Занҭариа иазгәеиҭеит, Абызшәатә политиказы Аҳәынҭқарратә еилаки, Аминистрцәа реилазаареи, аҵара министрреи, араионқәеи ақалақьқәеи рхадацәеи аимадара бзиа шрыбжьоу.
