Ашәахтәқәеи аизгақәеи рминистр: ирацәоуп ашәҟәы иҭагалам асасааирҭақәа

© Sputnik / Александр Кряжев / Амедиаҵәахырҭахь аиасраАшәахтәқәа
Ашәахтәқәа - Sputnik Аҧсны
Анапаҵаҩра
Ашәахтәқәеи аизгақәеи рминистр Даур Кәрмазиа апресс-конференциа мҩаԥигеит. Уа далацәажәеит аусбарҭа аусура атәы.

АҞӘА, рашәара 14 – Sputnik, Бадраҟ Аҩӡба. Ашәахтәқәеи аизгақәеи рминистр Даур Кәрмазиа АРСМИРА апресс-конференциа мҩаԥигеит. Аминистр иазгәеиҭеит ареспубликаҿы асасааирҭақәа жәпакы уи акатегориа иаҵаркны ашәҟәы ишҭагалам. Ашәахтәқәеи аизгақәеи рминистрреи Аԥсны акурортқәеи атуризми рзы аминистрреи аусурақәа еицымҩаԥыргоит иҭаҩым афирмақәеи азакәан шьаҭа амамкәа атуристцәа амаҵзурақәа рызҭо ахатәхаҿқәеи рышьақәыргыларазы.

"Ашәахтә маҵзурақәа акурорттә сезон аҽазыҟаҵара иалагеит аӡынразы. Имҩаԥгоуп асасааирҭатә сектор иахьаҵанакуа аинвентаризациатә ҟазшьа змоу аусурақәа", — иҳәеит иара.

Аинвентаризациа мҩаԥгоуп Гәдоуҭеи Гагреи араионқәа рҟны. Аҟәа ақалақьи араиони, Гәылрыԥшь араиони рҿынтә аобиектқәа рганахь ала адыррақәа еиқәыршәоуп иҳәеит аминистр.

Ашәахтәқәеи аизгақәеи рминистр Даур Кәрмазиа - Sputnik Аҧсны
Даур Кәрмазиа: 2017 шықәса рзы еиҳаны ашәахтәқәа рылхра ҳгәы иҭоуп

"Уажәшьҭатәи ҳуснагӡатәқәа анҭыҵтә ҟазшьа роуеит. Игәаҳҭараны ҳаҟоуп аиурист хаҿқәеи ахатәхаҿқәеи рҭаҩра шьақәзырӷәӷәараны иҟоу адокументқәа. Асеиԥш иҟоу ауснагӡатәқәа мҩаԥгахоит атранспорттә маҵзурақәа мҩаԥызгои аекскурсиақәа мҩаԥызгои аиҿкаарақәа рҟны" — иҳәеит Кәырмазиа.

Имҩаԥгоу аинвентаризациа инақәыршәаны ашәҟәы иҭаҩуп 128 туристтә аобект — Гәдоуҭа 82 аобект, Аҟәа — 33 аобект, Гәылрыԥшь араион аҟны— 3 аобектк.

Азеиԥш номертә фонд иартәоит 6 825 ҭыԥ.

"Ҵыԥхтәи ашықәс азы ашәҟәы иҭагалан 5 482 ҭыԥ. Аизҳара 25% артәоит", — иҳәеит аминистр.

Иазыԥхьагәаҭоуп Ашәахтәқәеи аизгақәеи рзы азакәан аԥсахрала ахатәы сасааирҭақәа рҭагылазаашьа аиҭакра иҳәеит аминистр.

Ажәабжьқәа зегьы
0