АҞӘА, рашәара 20 – Sputnik. Аџьынџьтәылатә еибашьра аветеран Роланд Џьопуа Аԥсны Аџьынџьтәылатә еибашьра аинвалидцәа Рфонд аиҳабы Бадри Агрба иусурҭатә кабинет аҟны дыҩнахысит. Абри атәы Sputnik акорреспондент изааицҳаит Аҟәа ақалақь Аҩныҵҟатәи аусқәа русбарҭа аиҳабы Рустам Мархолиа.
"Ижәны иҟаз, Аџьынџьтәылатә еибашьра аветеран Роланд Џьопуа Аԥсны Аџьынџьтәылатә еибашьра аинвалидцәа Рфонд аиҳабы Бадри Агрба иусурҭатә кабинет аҟны дыҩнахысит. Уажәы аҭыԥ аҟны ашьаусҭҵааратә уснагӡатәқәа мҩаԥысуеит", — иҳәеит Мархолиа.
Иара убасгьы иазгәеиҭеит Аинвалидцәа Рфонд аиҳабы икабинет ахышә аҟны ахҭыԥқәа хԥа рҭыԥ нрыжьит ҳәа.
