Казанба: амҩа "Гулрыпш — Южный приют" жәамш рыҩныҵҟа еиҭашьақәҳаргылоит

© Фото : с сайта МЧС АбхазииАмҩа "Гулрыпш — Южный приют"
Амҩа Гулрыпш — Южный приют - Sputnik Аҧсны
Анапаҵаҩра
НовостиTelegram
Аҳәынҭеилакы "Аԥсныҟәарахьчара" адиректор хада Игорь Казанба Sputnik иазеиҭеиҳәеит Кәыдры аиҩхааҟны амҩа аиҭашьақәыргыларазы аусурақәа рцашьа атәы.

АҞӘА, рашәара 21– Sputnik, Бадраҟ Аҩӡба. Амҩа "Гулрыпш — Южный приют" жәамш рыҩныҵҟа еиҭашьақәҳаргылоит, иҳәеит Аҳәынҭеилакы "Аԥсныҟәарахьчара" адиректор хада Игорь Казанба Sputnik акорреспондент Кәыдры аиҩхааҟны амҩа аиҭашьақәыргыларазы аусурақәа рцашьа атәы изеиҭаҳәо.

Аусурақәа уаанӡагьы ихыркәшазарц гәҭакны иҟан, аха иахәҭаны иҟаз аматериалқәа рымамзааразы аҿҳәара иахыԥеит. Аусурақәа хацыркын рашәара 19 рзы.

"Аусурақәа мҩаԥысуеит етап-етапла. Маҿа-маҿала амҩа ишахәҭоу аҟаҵара ҳаҿуп", — иҳәеит Казанба.

Амҩа "Гулрыпш — Южный приют" ахәҭак Кәыдрытәи аиҩхааҟны ихыҵыз аӡиас иқәнаӡәӡәааит. Ҩ-ҭыԥк рҟны амҩа бгеит.

Рашәара 19 рзы Аԥсны Ахада Рауль Ҳаџьымба имҩаԥигеит аилацәажәара Кәыдрытәи аиҩхааҿ амҩа аҭагылазаашьа иазкны.

Иара, Аԥыза-министр Беслан Барцыц инапы ианиҵеит амҩа аремонт Аԥсны Аҳәынҭқарреи Урыстәылатәи Афедерациеи рыбжьара асоциал-економикатә усеицураз Аиҳабырабжьаратә комиссиа амшхәаԥштә азҵаарахь иалеиҵарц.

Амҩа аура 80 километра иҟоуп, 22 цҳаи ҩ- тоннельки амоуп.

Ажәабжьқәа зегьы
0