АҞӘА, рашәара 22– Sputnik, Владимир Бегунов. Рашәара 23 2016 шықәса рзы Британиа Ду аҟны имҩаԥгаз ареферендум ашьҭахь Евроеидгыла алҵразы атәыла аҽазыҟаҵара иаҿуп.
Аилак Ifop аҭҵаарақәа рыла афранцызцәеи, италиааи, анемеццәеи, англызцәеи реиҳараҩык агәаанагара рымоуп егьырҭ атәылақәагьы Британиа Ду иашьҭалоит ҳәа.
"Асеиԥш иҟоу агәаанагарақәа ҵаҵӷәны ирымоуп еиуеиԥшым афакторқәа рацәаны. Иаҳҳәап аекономикатә ҟазшьа. Ауаа ирҭахым иршәо ашәахтәқәа ахьцо рзымдыруа иҟазарц. Уи адагьы европауаҩ иахьа иабстракттәу хаҿуп. Усеиԥш ҟалашьас иамоузеи? Ауаҩи ауаҩи амилаҭтәи, акультуратәи, адинтәи уҳәа аҟазшьақәа рыла еиԥшым", — иҳәоит Студеникин.
Британиа Ду иашьҭаланы егьырҭ атәылақәагьы Евроеидгыла алҵра иалагоит ҳәа иршьоит: англызцәа 55%, италиаа 55%, 42% афранцзцәа, 39% анемццәа. Евроеидгыла кьыс аиуам ҳәа уажәы ихәыцуа акыр имаҷхеит. Усеиԥш иҟоуп: афранцзцәа (33%), италиаа (32%), анемеццәа (39%), англызцәа (18%).
"Европа акзаара аидгыла алахәылацәа зегьы европаа ракәны ршьарала ишьақәгылоит. аха абасеиԥш аан атәыла маҷқәа адуқәа ирылаӡҩоит. Аҿар ракәзар усеиԥш рҭахым. Урҭ ирҭахуп рбызшәа, ркультура, рдин аҿиара роурц", — иҳәоит аполитолог.
Азҵаарақәа мҩаԥнагеит Франциатәи ауаажәларратә гәаанагара ҭызҵаауа аилак Ifop.
