Аԥсуа гимн амузыка автор Валери Чкадуа 70 шықәса ихыҵит

© Sputnik / Илона ХварцкияАрхивтә фотосахьа
Архивтә фотосахьа - Sputnik Аҧсны
Анапаҵаҩра
НовостиTelegram
Дырмит Гәлиа ихьӡ зху Аҳәынҭқарратә премиа алауреат Валери Чкадуа иналукааша ирҿиамҭақәа иреиуоуп раԥхьатәи аԥсуа балет "Риҵа" амузыка.

АҞӘА, рашәара 27– Sputnik, Бадраҟ Аҩӡба. Акомпозитор, Аԥсны Аҳәынҭқарра агимн амузыка автор Валери Чкадуа рашәара 27 рзы 70 шықәса ихыҵит.

"Валери Чкадуа еицырдыруа аԥсуа композиторуп. Далгеит Қарҭтәи аконсерваториа. Ареспублика акомпозиторцәа Реидгыла далахәылоуп" ҳәа Sputnik акорреспондент изеиҭалҳәеит Аԥсны зҽаԥсазтәыз артистка, Аҟәатәи амузыкатә ҵараиурҭа адиректор Нинель Бжьаниаԥҳа.

Лара иазгәалҭеит Валери авторс дышрымоу акыр музыкатә рҿиамҭа.

"Дырмит Гәлиа ихьӡ зху Аҳәынҭқарратә премиа алауреат Валери Чкадуа иналукааша ирҿиамҭақәа иреиуоуп раԥхьатәи аԥсуа балет "Риҵа" амузыка. Абалеттә труппа ахьҳамам иахҟьаны уи асценахь инагам. Сгәы иаанагоит мышкызны уигьы ҳахьӡап ҳәа", — лҳәеит лара.

Нинель Бжьаниаԥҳа иара убасгьы иазгәалҭеит Валери Чкадуа ахәыҷқәа рызгьы амузыка шиҩуа.

Аԥсуа композитор Валери Чкадуа – Аԥсны Аҳәынҭқарра агимн амузыка авторс дамоуп, иара убасгьы раԥхьатәи аԥсуа балет "Риҵа" амузыка давторуп, далгеит Қарҭтәи аконсерваториа (1977), аспирантура (1980).

Валери Чкадуа — Аԥсны акомпозиторцәа Реидгыла далахәылоуп (1994), СССР акомпозиторцәа Реидгыла далахәылоуп (1978), Дырмит Гәлиа ихьӡ зху Аҳәынҭқарратә премиа далауреатуп.

Ажәабжьқәа зегьы
0