"Агәыҳалалра ақәҵарҭа" Тҟәарчалгьы иҟалеит

© Фото предоставлено Каном Тания"Агәыҳалалра ақәҵарҭа" Тҟәарчалгьы иҟалеит
Агәыҳалалра ақәҵарҭа Тҟәарчалгьы иҟалеит - Sputnik Аҧсны
Анапаҵаҩра
НовостиTelegram
"Агәыҳалалра ақәҵарҭа" "Аԥсны агәыҳалалра ацҳаражәҳәаҩцәа" раԥхьатәи рпроект ауп. Иара аҳәаақәа ирҭагӡаны иазыԥхьагәаҭоуп ареспублика ақалақьқәа рдәқьанқәа рҟны иаартхарц афатә-ажәтә, абзазаратә тауарқәа уҳәа ахьеизыркуа аҭыԥқәа.

АҞӘА, ԥхынгәы 3 – Sputnik, Амра Амҷԥҳа. "Агәыҳалалра ақәҵарҭа" хыртуп Тҟәарчал ақалақь аҿы иҟоу адәқьан "Кира" аҿы амҽыша, ԥхынгәымза 2 рзы. Абри атәы ҳкорреспондент илзааицҳаит агәыҳалалратә еиҿкаара алахәыла Кан Ҭаниа.

Иара иажәақәа рыла адәқьан аԥшәма Лолита Бигәааԥҳа иаразнакы дақәшаҳаҭхеит илзыҟарҵаз ажәадгала. Аиҿкаара алахәылацәа Камма Гоԥиаԥҳаи Кан Ҭаниеи ақәҵарҭа аҭыԥ алыркаауеит ақалақьуаа ирзыманшәаланы.

"Агәыҳалалра ақәҵарҭа" фатәы-жәтәыла иҭәуп. Зылшара ԥку ауаа ирылшоит ара иааины ирыгу-ирыбзоу ргарц. Камма акыраамҭа афонд "Кьараз" аусура лнапы алакуп. Аԥышәа лымоуп. Илдыруеит ауаа ирҭаху-ирҭахым", — иҳәоит Кан Ҭаниа.

"Агәыҳалалра ақәҵарҭақәа" ареспублика ақалақьқәа зегьы рҿы раартра азыԥхьагәаҭоуп.

"Дарбанызаалак илшоит агәыҳалалра аарԥшра. Чахык аахәан акәакьҭаҿ иқәиҵар – уигьы уахык аӡә деилнаргоит. Сгәыӷуеит Тҟәарчалаа абри аус иахаҵгылап ҳәа", — иҳәоит Ҭаниа.

Иара игәы иаланы еиҭеиҳәеит Аҟәа, рашәара 17 рзы ахәаахәҭратә-центр "Сухум-Маркет" аҿы иаадыртыз ақәҵарҭа ақалақьуаа рацәак ишазхьамԥшуа.

"Ҳара хаҭала иааҳҳәоит афатә-ажәтә. Адәқьан адиректор дахылаԥшуеит ақәҵарҭа ҭәу-иҭәыму ҳәа. Ақалақьуаа рацәак ари аус изахамыҵгылт. Ҳара ҳгәыӷуан зегь ҳаицхыраан агәыҳалалра ааҳарԥшып ҳәа", — иҳәоит Ҭаниа.

Агәыҳалалратә еиҿкаара "Аԥсны агәыҳалалра ацҳаражәҳәаҩцәа" аԥырҵеит Москва иҟоу аԥсуа диаспора.

Ажәабжьқәа зегьы
0