АҞӘА, ԥхынгәы 3– Sputnik, Бадраҟ Аҩӡба. Ашәахьа, ԥхынгәы 3 рзы Диоскураа рыԥшаҳәаҟны иаатуеит хәыда-ԥсадатәи аԥхынтә кинотеатр. Иара аус аулоит аҩаша, аԥшьаша, асабша, амҽыша, асааҭ 20:00 инадыркны. Абри атәы Sputnik акорреспондент изаалыцҳаит Аҟәа Ахадара аҿари аспорти рзы Аилак аҟазауаҩ Есма Кәыҵниаԥҳа.
"Хышықәсоуп аԥхынтәи акинотеатр аус ауеижьҭеи. Сынтәа Идырым асолдаҭ ибаҟа аганахь иааҳартуеит. Уа иҟоуп адәҳәыԥш. Ҳара асқамқәа ҳаргылеит", — ҳәа еиҭалҳәоит Кәыҵниаԥҳа.
Иара аус аулоит аҩаша, аԥшьаша, асабша, амҽыша, асааҭ 20:00 инадыркны лҳәоит лара.
"Мҽышала ахәыҷқәа рзы амультфильмқәа дҳарбалоит", — лҳәоит Есма Кәыҵниаԥҳа.
Лара лажәақәа рыла ауаа дара ирҭахны акинотеатр ахь инеиуеит акино аекран ҭбааҿы абаразы.
Акинотеатр аус ауеит ҩымз рыҩныҵҟа. Ииара аатуеит ԥхынгәы 3 асааҭ 20:00 рзы, афильм "2+1" ала.
Аинформациатә маҵзуреи арадиои Sputnik Аԥсны апроект "Аԥхынтәи акинотеатр" информациатә партниорны иҟоуп.
Акинокартинақәа Sputnik Аԥсны асаит аҿы ирылаҳәалахоит, иара убасгьы Sputnik Аԥсни Аҟәа Ахадара аҿари аспорти рзы Аилаки рсоциалтә ҳақәа рҟны.
