АҞӘА, ԥхынгәы 3 — Sputnik. Дамаск аҽшьҩы иҽԥижәеит. Макьаназы иҭахаз рзы информациа ыҟам ҳәа аанацҳауеит РИА Новости амаҵзура Франс Пресс адыррақәа шьаҭас иҟаҵаны.
"Акомпетентнттә органқәа гәҩарас ирымаз амашьынақәа хԥа ирышьҭан. Ҩ-машьынак Дамаск ианалалоз аамҭаз рыԥжәара алдыршеит, ахԥатәи Тахрир ашҭаҿы (Tahrir) иаангылеит, уи иҭаз атеррорист иҽԥижәеит.
Иҟоуп иҭахази ахәрақәа заузи"- ҳәа аҳәоит адырраҭараҟны.
Уи аԥхьа амчратә усбырҭақәа иаарыцҳауан ашәарҭадатәра шрылшаз арҭҟәацгақәа зҵаз ҩ-машьынак.
