Германиа еизгоу акоманда Аконфедерациа Ахраҿа агараҿы иаиааит

© Sputnik / Григорий Сысоев / Амедиаҵәахырҭахь аиасраГерманиа еизгоу акоманда Аконфедерациа Ахраҿа агараҿы иаиааит
Германиа еизгоу акоманда Аконфедерациа Ахраҿа агараҿы иаиааит - Sputnik Аҧсны
Анапаҵаҩра
НовостиTelegram
Аконфедерациа Ахраҿа агаразы аиндаҭларақәа мҩаԥысуан рашәара 17 инаркны ԥхынгәы 2 рҟынӡа – Москва, Санкт-Петербург, Шәача, Казан ақалақьқәа рҿы. Германиеи Чилии ркомандақәа рфиналтә хәмарра мҩаԥысуан Санкт-Петербург.

АҞӘА, ԥхынгәы 3— Sputnik. Аконфедерациа Ахраҿа агаразы аиндаҭларақәа мҩаԥысуан рашәара 17 инаркны ԥхынгәы 2 рҟынӡа – Москва, Санкт-Петербург, Шәача, Казан ақалақьқәа рҿы. Германиеи Чилии ркомандақәа рфиналтә хәмарра мҩаԥысуан Санкт-Петербург. Германиатәи ашьапылампыл асыҩцәа аԥыжәара рыманы Чили акоманда иаиааит ҳәа аанацҳауеит Р-Спорт.

Аиԥылара хыркәшахеит 1:0 ҳәа. Ахәмарра 20-тәи аминуҭ азы ампыл ҭаиршәит Ларс Штиндль. Ахәмарра иахәаԥшырц уахь инеиит 57 268-ҩык.

Ашьапылампыл азы германиатәи еизгоу акоманда азыҟаҵаҩ Иоахим Лиев Урыстәыла аконфедерациа Ахраҿа —2017 аиҿкаара бзиа аманы имҩаԥган ҳәа азиҳәеит.

"Ҳара еиуеиԥшымыз ақалақьқәа, еиуеиԥшымыз астадионқәа рҟны ҳахәмаруан, аха зехьынџьара аиҿкаара бзиаӡа ыҟан. Ҭабуп ҳәа расҳәоит аиҿкааҩцәа зегьы", — иҳәеит иара.

Германиатәи акоманда иаанарԥшуаз аиҿкаара шьахәи адисциплина бзиеи рзы иара убасгьы ианашьахеит аԥхьахә — Fair play.

Амбахьчаҩ Марк-Андре тер Штеген Аконфедерациа Ахраҿа-2017 иреиӷьу амбахьчаҩ ҳәа далкаауп. Ажәылаҩ Тимо Вернер Аконфедерациа Ахраҿа-2017 иреиӷьу ажәылаҩ ҳәа далкаауп.

Ахьчаҩ бжа Иулиан Дракслер Аконфедерациа Ахраҿа-2017 иреиӷьу ахьчаҩ бжа ҳәа далкаауп. Ахԥатәи аҭыԥ иазықәԥоз Португалиатәи ашьапылампыл асыҩцәа мексикаа ираԥыргеит 2:1 ҳәа.

Ахәмаррақәа мҩаԥысуан: Казан, Москва, Шәача, Санкт-Петербург.

Ажәабжьқәа зегьы
0