Ҳаџьымба Суркови иареи реиԥыларазы: аиҿцәажәара апозитивтә ҟазшьа аманы имҩаԥысуан

© Sputnik / Томас ТхайцукАԥсны Ахада Рауль Ҳаџьымбеи Урыстәыла Ахада ицхырааҩ Владислав Суркови реиԥылара
Аԥсны Ахада Рауль Ҳаџьымбеи Урыстәыла Ахада ицхырааҩ Владислав Суркови реиԥылара - Sputnik Аҧсны
Анапаҵаҩра
Ҩ-ганктәи аусеицура азҵаарақәа ирылацәажәон Аҟәа имҩаԥысуаз Аԥсны Ахада Рауль Ҳаџьымбеи Урыстәыла Ахада ицхырааҩ Владислав Суркови реиԥылараан.

АҞӘА, ԥхынгәы 3 – Sputnik, Роберт Џьопуа. Ҩ-ганктәи аусеицура азҵаарақәа ирылацәажәон Аҟәа, Аԥсны Ахада Иусбарҭаҟны зеиԥылара мҩаԥысуаз Аԥсны Ахада Рауль Ҳаџьымбеи Урыстәыла Ахада ицхырааҩ Владислав Суркови. Аиԥылара ашьҭахь Рауль Ҳаџьымба ажурналистцәа иреиҳәеит Аԥсны аҿиаразы Аинвестициатә программа аусура ԥхьаҟагьы иацҵахоит ҳәа.

"Аԥснытәии Урыстәылатәии аганқәа рнапы зҵарыҩхьо адокументқәа инарықәыршәаны аусурақәа ԥхьаҟагьы ирыцҵахоит. Ҳара ҳазлацәажәоз азҵаарақәа иаҳдырбеит аусеицура апозитивтә ҟазшьа аманы ишыҟоу. Иаҳҭахуп уи иаарласны ҳауаажәлар ирнырыртә еиԥш аҟаҵара", — иҳәеит Ҳаџьымба.

Владислав Сурков иакәзар иазгәеиҭеит аусура маншәаланы ицоит ҳәа, ареспубликаҿ аполитикатә ҭагылазаашьа аманшәалара акәзар, аҿиара ианыԥшуа иҟоуп ҳәа.

"Иазгәасҭар сҭахуп Аинвестициатә программа изаамҭанытәиу аетап аусура ишалагаз. Урыстәылантәи аԥаразоужьра шымҩаԥысуа, апрограммала иргылахараны иҟоу аобиектқәа рганахь ала адокументациа ишахәҭоу еиԥш ишырхиоу", — иҳәеит Сурков.

Ара убасгьы иазгәеиҭеит Аинвестициатә маҵзура аусура бзиа асасааирҭатә бизнес, афатә аалыҵ ааглыхра, ақыҭанхамҩа аҿиара рганахь ала.

Владислав Суркова 2016 шықәса ԥхынгәымзазы аҵыхәтәаны акәны Аԥсны дыҟан.

Ажәабжьқәа зегьы
0