АҞӘА, ԥхынгәы 5— Sputnik, Роберт Џьопуа. Изаамҭанытәиу аилатәараҟны, ԥхынгәы 5 рзы, Аԥсны Апарламент Аҟәатәи, Иреиҳаӡоу, Арбитражтә ӡбарҭақәа рыӡбаҩцәа хҩык алнахит.
Марат Аҩӡба Аҟәа аӡбарҭа аӡбаҩыс далхуп. Иара изы рыбжьы рҭиит 32 депутат.
Марат Аҩӡба диит абҵара 13 1982 шықәса рзы.
2007 шықәса рзы далгеит ААУ азиндырратә факультет.
2003 — 2009 шш. рзы аус иуан Галтәи апрокуратураҟны.
2009 ш. рзы Апрокуратура хада ашьаусҭҵааратә усбарҭаҟны аус иуан.
2009 – 2015 шш. рзы Аҟәа араион апрокурор.
2016 ш. раахыс Апрокуратура хада акоррупциа аҿагылара ахылаԥшразы аусбарҭа апрокурор хада.
Омиани Логәуа икандидатура адепутатцәа ишьақәдырӷәӷәеит Арбитражтә ӡбарҭа аӡбаҩыс.
Омиани Логәуа диит мшаԥы 25 1965 шықәса, Очамчыра араион, Река ақыҭан.
1991 шықәса рзы далгеит ААУ аҭоурых-зиндырратә факультет.
1992 – 1994 шш. рзы Очамчыра араион апрокуратураҿы стажиор-шьаусҭҵааҩыс дыҟан.
1994 — 1995 шш. рзы аус иуан ашәахтә полициа Аусбарҭа ашьаусҭҵааҩыс.
1995 — 1997 шш. рзы Апрокуратура хадаҟны еиуеиԥшым амаҵзурақәа неигӡоит.
2001 — 2016 шш. рзы аус иуан арратә прокуратураҟны, Аҟәатәи ақалақьтә ӡбарҭаҟны, Апрокурор хада ихаҭыԥуаҩыс, Аҟәа араион апрокурорс, Адукатцәа Рпалата адукатс.
Олесиа Ҭарԥҳа далхуп Иреиҳаӡоу аӡбарҭа аӡбаҩыс лалхраз рыбжьы рҭиит 32-ҩык адепутатцәа.
Олесиа Ҭарԥҳа диит жәабран 22 1982 шықәса рзы, Аҟәа.
2004 шықәса рзы ААУ далгеит.
2003 — 2004 шш. рзы аус луан Очамчыратәи апрокуратураҿы.
2005 ш. рзы Апрокуратура хада аграждантә-ӡбарҭа аҟәша апрокурорс дыҟан.
2011 шықәса рзы Иреиҳаӡоу аӡбарҭа аӡбаҩыс далхын.
