АҞӘА, ԥхынгәы 5— Sputnik. Рашәарамзазы Евроеидгыла Ахеилак иаднакылеит Урыстәылатәи Афедерациа иаҿагыло аекономикатә ркьаҿрақәа рыҿҳәара аҽа фымз иацҵазарц аӡбра.
Ари аӡбра инақәыршәаны, асанкциақәа алазгалаз Европатәи атәылақәа, ЕАШ, Канада, Австралиа, Украина уҳәа рҟынтәи Урыстәыла аҵакырахь аагара ҟалом ақыҭанхамҩа аалыҵқәа рыхкқәак. Асанкциақәа ирыцҵоуп ԥхынҷкәын 31 2018 шықәса рҟынӡа. Абри атәы аанацҳауеит РИА Новости.
Урыстәыла Ахада Владимир Путин рашәара 30 рзы инапы аҵеиҩит арҭ асанкциақәа рҭакс аембарго азы Аусԥҟа ԥхынҷкәын 31 2018 шықәса рҟынӡа.
"Ажьырныҳәа 1 инаркны ԥхынҷкәын 31 2018 шықәса рҟынӡа Европатәи атәылақәа, ЕАШ, Канада, Австралиа, Украина, Норвегиа, Албаниа, Черногориа, Исландиа, Лихтенштеин раалыҵ Урыстәылатәи Афедерациа аҵакырадгьыл алагалара азин ыҟам", ҳәа арбоуп адырраҭараҟны.
