АҞӘА, ԥхынгәы 5 – Sputnik, Амра Амҷԥҳа. Ԥхынгәы ԥшьба рзы Ареспубликатә хәышәтәырҭахь инаргеит ҩыџьа ауаа, ақәыџьма зыцҳаз. Абри атәы Sputnik акорреспондент илзеиҭеиҳәеит ахәышәтәырҭа аҳақьым хада ихаҭыԥуаҩ Георги Воуба.
"Асааҭ 11:40 рзы 1951 шықәса рзы ииз Аҩӡыԥҳа ахәышәтәырҭахь дааргеит, лара раԥхьатәи амедицинатә цхыраара лырҭеит. Агәырқәа лыларҵеит, абга чмазаҩызар, уи ахҟьақәа ԥкаахарц азы", — иҳәеит Воуба.
Аҩбатәи ачымазаҩ, Ануаԥҳа, 1970 шықәса рзы ииз дааргеит асааҭ 12:20 рзы. Ларгьы аҳақьым иажәақәа рыла ацхыраара лыҭаны, агәырқәа лыларҵеит.
Ақәыџьма зыцҳаз ахԥатәи ауаҩы Агәыӡератәи агоспиталь аҟны дыҟоуп.
"Тамшьынтәи абга ицҳаит ҳәа ауаҩы дааргеит. Ахаԥыцҭыԥ рацәаны инын. Аоперациа изаауит. Ихәрақәа ҳрыцқьеит. Уажәы ихы идыруа дыҟоуп. Иԥсҭазаара шәарҭара иҭагылам", — иҳәеит ахирургиа аҟәша аиҳабы Нарҭ Гамгиа.
Тамшь ақыҭан хҩык ауааԥсыра ақәыџьма рақәлеит.
