Аҟәа акәыбырқәа ирҿагылоу ауснагӡатәқәа мҩаԥыргоит

© Sputnik / Томас ТхайцукАҟәа акәыбырқәа ирҿагылоу ауснагӡатәқәа мҩаԥыргоит
Аҟәа акәыбырқәа ирҿагылоу ауснагӡатәқәа мҩаԥыргоит - Sputnik Аҧсны
Анапаҵаҩра
НовостиTelegram
Ес-ԥхынра асанитар-епидемиологиатә станциа аинфекциа рацәа алазырҵәо акәыбырқәа ирҿагыланы "еибашьуеит". Дара зынӡа рықәгара шамуагьы рхыԥхьаӡара акыр имаҷхоит.

Бадраҟ Аҩӡба, Sputnik

Асанитартә маҵзура аусзуҩцәа акиноқәа рҟны иудырбо адунеи ахьчаҩцәа акыр иреиԥшуп: асабардақәа рҿоуп, акомбинезонқәа рыла иҭаҳәҳәоуп.

Сынтәа акәыбырқәа рнырҵәара акциа иалагеит ԥхынгәы ԥшьба рзы. Абри аамҭа иалагӡаны иалыршахеит 40 рҟынӡа ҩны рподвалқәеи рподиездқәеи аус рыдулара, ҳәа еиҭалҳәоит Аҟәа ақалақь асанитартә ҳақьым хада Алла Белиаева.

Алла Белиаева иазгәалҭеит, асанитар-епидемиологиатә маҵзура аусзуҩцәа аиҳарак акәыбырқәа иахьыртәарҭоу, иахьырҿиарҭоу аҭыԥқәа шракәу аус здырулоу.

Егьыс, ақалақь ауааԥсыра дасу руадақәа рҟны рхала имҩаԥыргалароуп акәыбырқәа ықәызхыша аусмҩаԥгатәқәа.

Алла Белиаева еиҭалҳәеит, апрограмма алагамҭаз асанитар-епидемиологиатә маҵзура аҩнтәы усбарҭақәа рахь азыҳәақәа нарышьҭит аус зыдулатәу аподвалқәа рсиа аздырхиарц.

"Убарҭ асиақәа инарықәыршәаны еиҿкаан аграфик. Акызаҵәык аграфикқәа рымҩаԥгара аҳауатә ҭагылазаашьа иадҳәалоуп. Аншоуроу, аԥхарра 30 градус ианеиҳау ахәшә амчхара еиҵахоит", — лҳәоит аҳақьым хада.

Иахьазы асанитар-епидемиологиатә станциа аус рыднаулахьеит аҩнтәы усбарҭақәа №2, №3 иртәу аҩнеихагылақәа рподвалқәа.

"Иахьа ҳалагеит аҩнтәы усбарҭа №4 иатәу араионқәа— Кинопрокат, Ажәытә ҳабла рҟны аусура. Сгәы иаанагоит амчыбжь аҩныҵҟа ҳусурақәа хҳаркәшап ҳәа", — лҳәоит Алла Белиаева.

Аҟәа ақалақь асанитартә ҳақьым хада Алла Белиаева ауааԥсыра рахь аҳәара ҟалҵоит рашҭақәа дрыцқьаларц.

Лара лажәақәа рыла амш бзианы иаанхар аусурақәа ԥхынгәымза иҭагӡахоит.

Ажәабжьқәа зегьы
0