АҞӘА, ԥхынгәы 14 – Sputnik. Атуристцәа Ҟрым радыԥхьаларазы ахәқәа рыларҟәра хымԥадатәиуп иҳәеит атуризми асанатор-курорттә комплекси рзы ареспубликатә Парламент аилак ахада Алексеи Черниак. Абри атәы аанацҳауеит РИА Новости.
Иара иажәақәа рыла асасааирҭақәеи аотельқәеи аҩызауад "Массандра" еиԥш рхы мҩаԥыргароуп. Аҩызауад аалыҵ зегьы рыхәԥса ланарҟәит акурорттә сезон аан.
"Ааԥхьара ҟаҳҵоит аотелиерцәеи арестораторцәеи рахь акурорттә сезон мҩаԥысуанаҵы рыхәԥсақәа ладырҟәырц. Акциа иалнаршоит аԥсшьацәа арахь раара", — иҳәоит Черниак.
Иара убасгьы авиобилеҭқәа рыхәԥсагьы ларҟәтәны ишьеит иара. Избанзар егьырҭ атуристтә регионқәа рҟны аасҭа ара ахәԥсақәа акыр иҳаракуп.
