Аркади Џьапуа ашьха Хымса имҩаԥгаз аекспидициа иазкны
"Мчыбжьык ахы-аҵыхәала иҭҵаан 150 инарзынаҧшуа акультуратә ҭынха иаҵанакуа аобиектқәа, аҵангәарақәа, ажәытә ахьчацәа ртәарҭақәа ашьха Хымса аҵакыреи уи анҭыҵи. Сара сдиссертациа ари атема иазкын аҟынтәи, уаҟа сахьымнеиц иҭысымҵаац ҳәа акгьы ыҟам. Ҳгәыҧ иалахәын аа-ҩык: акультуреи аҭоурых-культуратә ҭынха ахьчареи рминистр лхаҭыԥуаҩ Баҭал Кобахьиа, акартографиа аҳәынҭқарратә комитет атопограф Зураб Оҭырба, асахьаҭыхҩы Адгәыр Ӡиӡариа, иара убасгьы аҭоурых-культуратә ҭынха адепартамент аусзуҩцәа Шандор Ҟаитан, Инал Џьапуа, Аинар Инал-ипа", — ҳәа иҳәеит Џьапуа.
Аркади Џьапуа иажәақәа рыла, анаҩстәи аекспедициа мҩаҧгахоит Дамхәыц ашьхахыҵырҭаҟны.
