1989 шықәсазы Аԥсны иҟаз ахҭысқәа, урҭ ирылахәыз иргәаладыршәеит
"Толик Џьонуа ҳәа дыҟан, ателефон дасын исеиҳәеит ақырҭқәа хыҵны иаауеит. Ацҳаҟны инеины ирԥыланы иаанкылатәуп ҳәа. Аус сыцызуазгьы, ақалақь аҟны издыруаз аҷкәынцәагьы ирыласҳәеит иҟалаз атәы. Урҭи сареи ҳаиманы машьынала Аалӡга ҳааит, аҷкәынцәа зегьы амашьына ҳҭыҵын ақырҭқәа рааира ҳазыԥшын. Алаба зкыз дубап, аӡәы аҟама иман. Нырцә ацҳаҟны ҳахьнеиз Валери Гәырџьуа дааит, уи усҟан Очамчыра араион прокурорс дыҟан, уи иҳаиҳәеит амҩа шыктәу", — ациҵеит уи.
Уи ашьҭахь ақырҭқәа зықәтәаз амашьына Гал аганахь ала аӡиас Аалӡга иаадгылеит. Иааиуаз амашьына бџьарла еиқәных иҟан, игәалаиршәоит уи.
