АҞӘА, ԥхынгәы 18 — Sputnik. Урыстәылатәи Афедерациа Адәныҟатәи аусқәа рминистрра ақәыӡбоит Шьамтәыла иҟоу Урыстәыла Ацҳаражәҳәарҭа аехсразы имҩаԥгаз аҽазышәарақәа. Абри атәы аанацҳауеит Адәныҟаполитикатә усҳәарҭа.
Атеррористцәа рнапаҿы иҟоу "Хеиат Тахрир Аш-Шам" (уаанӡатәи "Джабхат Ан-Нусра") "Феилак Ар-Рахман" рҟынтәи иҭырҟьаз ахқәа каҳаит Адәныҟаполитикатә усҳәарҭа ахыбра ааигәара.
"Ԥсыҭбара ҟамлеит, ахыбрақәагьы ԥхасҭа рмоуит", ҳәа аҳәоит адырраҭараҟны.
"Ақәыӡбара азаауеит атеррористцәа Урыстәылатәи ацҳаражәҳәарҭеи Дамаск аҭынч уааԥсыра рынхарҭақәеи рганахь ала иҟарҵо ақәыларақәа. Урыстәылатәи Афедерациа ԥхьаҟагьы атеррористцәа ирҿагыланы иқәгылалоит. Адунеи ауаажәларратә еилазаара рахь аҽазныкгьы ааԥхьара ҟаҳҵоит Шьамтәыла атерроризм шьаҭанкыла ақәхраҿы аидгылара аарԥшызарц", ҳәа арбоуп адырраҭараҟны.
