АҞӘА, ԥхынгәы 31 — Sputnik. Ԥхынгәы 30 венесуелаа иалырхраны иҟоуп 545-ҩык Аизара алахәылацәа. 364-ҩык аштатқәеи амуниципалитетқәеи рҟынтәи, 173-ҩык ауаажәларра еиуеиԥшым асекторқәа рҟынтәи, ааҩык – аиндееццәа рмилаҭ рҟынтәи.
Абжьыҭира азин рымоуп 19,4 миллионҩык Венесуела ауааԥсыра.
Венесуела аштатқәа руак, Мериде аҟны аманифестантцәеи амилаҭ гвардиеи рыбжьара аидысларақәа цоит. Абри атәы аанацҳауеит РИА Новости апортал Nacional адыррақәа ҵаҵӷәыс иҟаҵаны.
Ақалақь Ехидо амҩадуқәа рҟны абаррикадақәа ргылоуп. Иҟоуп аинформациа ааха зауыз ауаа ыҟоуп, агвардиа акәлӡтәы транспартиор амца аркуп ҳәа.
Уаанӡа Мерида агубернатор Алексис Рамирес адырра ҟаиҵахьан алхратә материалқәеи аԥхьаӡаратә машьынкақәеи зыблыз ауаа аанкылоуп ҳәа. Урҭ 10 — 12 шықәса рықәҵахар алшоит.
Венесуела ашьаҭаркратә Еизарахь алхрақәа мҩаԥысуеит ԥхынгәы 30 рзы. Аизара аконституциа ареформақәа рымҩаԥгара иалагароуп, иара апроект азеиԥшмилаҭтә референдум ахь икылгахоит. Аоппозициа аконституциа еилагоуп ҳәа иршьоит, урҭ аизара ааԥхьара ареферендум аҟны ирыдыркылароуп ҳәа ирыԥхьаӡоит.
Венесуела мшаԥымза аахыс имҩаԥысуеит амассатә қәгыларақәа. Уи аахыс аидысларақәа рҟны иҭахахьеит 110-ҩык Венесуела ауааԥсыра.
