Приморск ақыҭа иахьаҵанакуа арыцқьарақәа ирҿуп

© Sputnik Бадрак АвидзбаПриморск ақыҭа иахьаҵанакуа арыцқьарақәа ирҿуп
Приморск ақыҭа иахьаҵанакуа арыцқьарақәа ирҿуп - Sputnik Аҧсны
Анапаҵаҩра
Иахьатәи аамҭазы аррамаҵзурауаа Приморск иахьаҵанакуантә иқәыргахьеит 24 еидарамҩангага машьына рызна аснариадқәа.

АҞӘА, нанҳәа 17– Sputnik, Сариа Кәарацхьелиаԥҳа. Иахьатәи аамҭазы аррамаҵзурауаа Приморск иахьаҵанакуантә иқәыргахьеит 24 еидарамҩангага машьына рызна аснариадқәа. Идрыцқьахьеит 80% рҟынӡа аҭыԥқәа. Абри атәы Sputnik иазеиҭарҳәеит Атәылахьчара аминистрра апресс-маҵзураҟны.

"Аусурақәа ирҿуп. Аиҳарак урҭ ирыдыԥхьалоуп Аԥсны Атәылахьчара аминистрра аруааи Halo Trust аминиорцәеи асапиорцәеи, иара убасгьы АҶА аусзуҩцәа", — ҳәа ҳзеиҭеиҳәеит аминистрра апресс-маӡаныҟәгаҩ Роланд Џьоџьуа.

Иахьатәи аамҭазы аррамаҵзурауаа Приморск иахьаҵанакуантә иқәыргахьеит 24 еидарамҩангага машьына рызна аснариадқәа.

Рацәак хара имгакәа аусурақәа хыркәшахоит, ақыҭа иахьаҵанакуа зегь рыцқьахоит.

"Аҵакырадгьыл зегьы дрыцқьаанӡа аусурақәа аанкылахом. Halo Trust аусзуҩцәа адгьыл иқәу аминақәеи аснариадқәеи рыдагьы адгьыл иҵалар зылшоз аминақәеи аснариадқәеи рыԥшаара мҩаԥыргоит", — иҳәеит иара.

Аԥжәара ахьыҟалаз акәша-мыкәша 1200 метра иахьаҵанакуа инахырҳәҳәаны аԥшаарақәа мҩаԥыргоит.

Џьоџьуа иажәақәа рыла атуристцәа аӡри ҵәыҵәы ахьыҵыҵуа аҭыԥ аҿы ҽыхәышәтәра ҳәа инеиуа иалагахьеит, ақыҭауаагьы маҷ-маҷ рыҩнқәа ирхыло иалагахьеит.

Ажәабжьқәа зегьы
0