Микаель Хелаиа Иарославль изыԥшуп

© Sputnik / Томас ТхайцукМикаэль Хелая
Микаэль Хелая - Sputnik Аҧсны
Анапаҵаҩра
НовостиTelegram
Акультура-гәыҳалалратә фонд "Ашана" аԥареизгара хацнаркит ҩышықәса зхыҵуа Микаель Хелаиа изы.

АҞӘА, нанҳәа 18– Sputnik, Сариа Кәарацхьелиаԥҳа. Акультура-гәыҳалалратә фонд "Ашана" аԥареизгара хацнаркит ҩышықәса зхыҵуа Микаель Хелаиа изы. Ахәыҷы ишьапқәа ииашан изыргылом, еицаԥоуп.

"15 мчыбжьа ҵуан сцәа стәымижьҭеи, УЗИ аҟны ахәыҷы ишьапқәа рыҩбагьы аиҭакрақәа рымоуп ҳәа ансарҳәаз. Ираҳҭаз анализқәа иаҳдырбеит аҽа чмазарак ахәыҷы ицәа ишаламыз", — ҳәа еиҭалҳәоит Микаель Хелаиа иан.

Ашьапы еицаԥара ахәыҷқәа лассы-лассы ироуеит. Усеиԥш иҟоу ахәыҷқәа шиз еиԥш ршьапқәа агиԥс иҭарҵоит, аха Микаель иҟны уи мап ацәыркит аҳақьымцәа.

"Сара сыхшароура уадаҩын. Аневрологцәа азин ҟарымҵеит ахәыҷы ишьапқәа агиԥс иҭарҵарц. Хымз ихыҵуан агиԥс ианҭаҳҵаз, аха усҟан ибаҩқәа ӷәӷәахахьан, рацәак хәарҭа инамҭеит", — лҳәоит ан.

Ааигәа Ермантәылантәи Аҟәа иааны иҟаз аҳақьым-ортапед иҳәеит уажәнатә аоперациа ҟаҵамзар, ԥхьаҟа ичымазара ишьамхахьгьы ихалар шыҟало.

Афонд "Ашана" ахаҭарнак Мактина Џьынџьалԥҳа илҳәеит ахәыҷы аоперациа изырур шауа Иарославтәи аклиникатә хәышәтәырҭаҟны. Аоперациа ахәԥса 190 000 мааҭ артәоит ҳәа.

Sputnik Аԥсны агәыҳалалратә фонд "Ашана" апроект "Еицаҳахьчап аԥсҭазаара" информациатә партниорны иқәгылоит.

Ажәабжьқәа зегьы
0