Беслан Ԥарулуа АКЦ (ИКЦ) данапхгаҩхар алшоит

© Sputnik / Томас ТхайцукБеслан Парулуа
Беслан Парулуа - Sputnik Аҧсны
Анапаҵаҩра
Нанҳәа 17 рзы Аԥсныҟа иааны иҟан Урыстәыла Аҩныҵҟатәи аусқәа рминистр ихаҭыԥуаҩ Игор Зубов знапхгараҿы дыҟаз аминистрра аделегациа.

АҞӘА, нанҳәа 21 – Sputnik, Амра Амҷԥҳа. Аԥсны Аҳәынҭқарреи Урыстәылатәи Афедерациеи рдәныҟатәи аусқәа рминистррақәа еицаԥырҵараны иҟоу Аинформациа Координациатә Центр анапхгаҩыс ҳәа икандидатура иахәаԥшуп Аԥсны Аҩныҵҟатәи аусқәа рминистр ихаҭыԥуаҩ, амилициа аполковник Беслан Ԥарулуа. Абри атәы аанацҳауеит ААР (МВД) аинформациатә ҟәша.

2014 шықәса абҵара 24 рзы анапы зҵаҩу Аԥсны Аҳәынҭқарреи Урыстәылатәи Афедерациеи рыбжьара "Аиҩызареи астратегиатә еилахәыреи рзы" Аиқәшаҳаҭра ахәҭаҷ 10 апункт 4 анагӡаразы аусбарҭабжьаратә усурақәа хацыркуп.

Нанҳәа 17 рзы Аԥсныҟа иааны иҟан Урыстәыла Аҩныҵҟатәи аусқәа рминистр ихаҭыԥуаҩ Игор Зубов знапхгараҿы дыҟаз аминистрра аделегациа.

"Аинформациа Координациатә центр аусуразы аиҿкааратә зҵаарақәа рылацәажәараан аганқәа Ацентр анапхгаҩцәа ркандидатурақәа ирзааҭгылеит. Аиқәшаҳаҭра инақәыршәаны Ацентр анапхгаҩыс дҟалоит Аԥсны Аҩныҵҟатәи аусқәа рминистрра ахаҭарнак, анапхгаҩы ихаҭыԥуаҩыс – Урыстәылатәи Афедерациа Аҩныҵҟатәи аусқәа рминистрра ахаҭарнак. Аԥснытәи аган ахь ала ихьӡ ҳәоуп Аԥсны Аҩныҵҟатәи аусқәа рминистр ихаҭыԥуаҩ, амилициа аполковник Беслан Ԥарулуа", — ҳәа азгәаҭоуп адырраҭаҟны.

Беслан Шьалодиа-иԥа Ԥарулуа диит 1967 шықәса ԥхынгәы 13 рзы Ҷлоу ақыҭан. Далгеит ААУ аҭоурых-зиндырратә факультет.

1992-1993шш. рзтәи Аԥсны жәлар Рџьынџьтәылатә еибашьра далахәылоуп. Леон иорден ианашьоуп.

Дҭаацәароуп, хҩык аԥацәа драбуп.

Ажәабжьқәа зегьы
0