АҞӘА, нанҳәа 22 — Sputnik. Урыстәылатәи Афедерациа Аекономикатә ҿиара аминистрра иазыԥхьагәанаҭоит цәыббрамзазы ашәырқәеи ауҭраҭыхқәеи рыхәԥса 80% рҟынӡа акаҳара. Абри атәы аанацҳауеит Sputnik Таџьикисҭан "Известия" адыррақәа ҵаҵӷәны иганы.
Афатә аалыҵ ахәԥса алаҟәра иартәоит 1,3%, ауҭраҭыхаалыҵ — 79,6%.
"Ауҭраҭыхаалыҵ ахәԥса алаҟәра аԥхьаӡараан азхьаԥшра аҭан Урыстәыла акартош, акапусҭа, аџьымшьы, анаша, апатырџьан рыхәԥсеи ашәырқәа рыхәԥсеи. Адокумент ишаҳәо ала ҽааны афатәаалыҵ ахәԥса сынтәатәи ахәԥсақәа иреиҳамхароуп", — ҳәа арбоуп адырраҭараҟны.
Ааглыхыҩцәа иазгәарҭоит цәыббрамзазы асеиԥш ахәқәа рылаҟәра еснагь игәоуҭартә иҟоуп.
"Аԥхынра алагамҭаз аалыҵ иара ахәԥса адагьы аҵәахра, атранспорттә мҩангара уҳәа реиԥш иҟоу ахәқәа рыцлоит. Ҭагалан акәзар аалыҵ адәқәа рҟынтәи ишиашоу аахәаҩ иҟынӡа инаргоит", — ҳәа еиҭеиҳәоит Ауҭраҭыхтә-шәыртә еидгыла адиректор Михаил Глушков.
Аидгыла адыррақәа рыла 2016 шықәса цәыббрамзазы ауҭраҭыхқәеи ашәырқәеи ԥхынгәазтәи рыхәԥса иадкылан уахәаԥшуазар 31% рыла еиҵоуп.
