АҞӘА, нанҳәа 30 – Sputnik, Бадраҟ Аҩӡба. Аԥсны иахьаҵанакуа аҩаша инаркны ахашанӡа ақәоурақәа ишырҿыц ирҿызаауеит иҳәеит радио Sputnik аинтервиу азҭаз Аԥсны Агитрометеорологиа аҟәша аиҳабы ихаҭыԥуаҩ Амир Цәышба.
"Ахашаҽны ҽынла амш еилгоит. Иҟалоит маҷк ақәа леир, аха уи аҩашаҽнеиԥш аҽарцәгьом. Аԥшьаша акәзар, асааҭ жәаҩа рышьҭахь амш еиҭацәгьахоит", — иҳәеит иара.
Амира ҵышәба иажәақәа рыла аԥшасра аҽарӷәӷәоит, секундк ала 13 метра рҟынӡа инаӡоит.
"Аха ҳара иҳамам адыррақәа уи ԥырхага дук ҟанаҵап ҳәа. Ахәаша акәзар амш аҽышьақәнартәоит, ибзиахоит", — иҳәеит агидрометеоролог.
Аԥсны аҭыԥ змаз амшцәгьақәа зыхҟьаз аҳауа ԥхеи аҳауа хьшәашәеи рҽеидҵароуп.
"Ақалақь аҟны иҟалаз аӡхыҵра акәзар изыхҟьаз Аҟәа амшын аҳаракыра аасҭа илаҟәны иахьышьҭоу ауп. Ақалақьтә коммуникациақәа ишахәҭоу еиԥш аусура ианалагалак ашьҭахь зегь ҭышәынтәалоит", — ҳәа азгәеиҭеит иара.
Аҩаша, нанҳәа 29 рзы ақалақь амҩадуқәа аӡы рнылеит, икаҳаит аҵлақәа рацәаны, афымцацәаҳәақәа ракәзар иԥыҵәҵәеит.
