АҞӘА, нанҳәа 31– Sputnik, Амра Амҷԥҳа. Нанҳәа 29 рзы аҳҭнықалақь аҿы аҭыԥ зауз амшцәгьеи аурҭцәгьеи рыхҟьа-ԥҟьақәа раԥыхра нап алакуп. Абри аус иалахәуп ақалақь акоммуналтә маҵзурақәа, Аҭагылазаашьа ҷыдақәа рзы аминистрра.автомабилтә мҩақәа ирнаҳалаз аҵлақәа 18 ԥҟаны ирныгоуп, атехника ҷыдала ахатәы ҩынқәа ирыҩналаз аӡы ҭгоуп. Абри атәы Sputnik иазаанацҳаит АҶА апресс-маҵзура.
Аԥсны Аҭагылазаашьа ҷыдақәа рзы аминистр Лев Кәыҵниа аҟәшақәа реиҳабацәа рнапы ианиҵеит излалшо ала атехника ҷыдеи аусуҩцәеи аусура иаладырхәырц.
"Аамҭакала Аҭагылазаашьа ҷыдақәа рзы аминистрра аусурақәа мҩаԥыргон амҩақәа алыкь рныгаразы", — ҳәа арбоуп апресс-маҵзура адырраҭараҟны.
Аԥшаӷьы иахҟьаны икаҳаз аҵлақәа афымцацәаҳәақәа рацәаны иԥырҵәеит. Аԥсны араионқәа жәпак рҟны афымцалашара аанкылан, аенергетикцәа аусурақәа мҩаԥыргон.
Аҟәа ақалақь Акоммуналтә усбарҭа аиҳабы Дмитри Аҳәба иажәақәа рыла аҳҭнықалақь аҩныҵҟа 40 инареиҳаны ҵла каҳаит, ақалақь аӡиасқәа ракәзар амҩадуқәа рахь алыкь рацәаны икылыргеит.
Нанҳәа 29 рзы аҳҭнықалақь аҿы аҭыԥ зауз амшцәгьеи аурҭцәгьеи рыхҟьа-ԥҟьақәа раԥыхра нап алакуп. Абри аус иалахәуп ақалақь акоммуналтә маҵзурақәа, Аҭагылазаашьа ҷыдақәа рзы аминистрра.
