Аԥсны аотелиерцәа ргильдиа аусура иацнаҵоит

© Sputnik / Томас ТхайцукАԥсны аотелиерцәа ргильдиеи Свердловсктәи аобласт абжьаратә бизнеси абизнес маҷи Реидгылеи Sputnik апресс-центр аҟны рнапы аҵарҩит аусеицуразы Аиқәшаҳаҭра.
Аԥсны аотелиерцәа ргильдиеи Свердловсктәи аобласт абжьаратә бизнеси абизнес маҷи Реидгылеи Sputnik апресс-центр аҟны рнапы аҵарҩит аусеицуразы Аиқәшаҳаҭра. - Sputnik Аҧсны
Анапаҵаҩра
НовостиTelegram
Аԥсны аотелиерцәа ргильдиеи Свердловсктәи аобласт абжьаратә бизнеси абизнес маҷи Реидгылеи Sputnik апресс-центр аҟны рнапы аҵарҩит аусеицуразы Аиқәшаҳаҭра.

АҞӘА, нанҳәа 31– Sputnik, Сариа Кәарацхьелиаԥҳа. Аԥсны аотелиерцәа ргильдиеи Свердловсктәи аобласт абжьаратә бизнеси абизнес маҷи Реидгылеи Sputnik апресс-центр аҟны рнапы аҵарҩит аусеицуразы Аиқәшаҳаҭра.

Аиқәышаҳаҭра иазыԥхьагәанаҭоит асасааирҭақәа рсертификациа. Уажәшьҭарнахыс атуристцәа ироуеит алшара игәаҭоу Аԥснытәи асасааирҭақәа рахь иааларц иҳәеит Свердловтәи аобласт Ауаажәларратә палата алахәыла Андреи Назаров.

"Асертификациа мҩаԥаагоит атуристцәа игәаҭоу, изхылаԥшу асасааирҭақәеи аотельқәеи рахь инеиларц", — иҳәеит Аԥсны аотелиерцәа ргильдиа апрезидент Игор Жигун.

Иара иажәақәа рыла апроект аҟны аҵакы аманы иҟоуп Аԥснытәи асасааирҭақәа рҟны зыԥсы зшьаз атуристцәа ргәаанагарақәа реилкаара.

"Атуристцәа иргәамԥхо џьара акыҟазар, иаарласны аҭыԥ ақәҵара ҳҽазаҳшәоит. Ҳасасцәа ироуа азҵаарақәа зегьы рҭыԥ иқәаҳҵоит", — иҳәеит Жигун.

Свердловтәи аобласт Ауаажәларратә палата алахәыла Андреи Назаров агәра ганы дыҟоуп Уралтәи атуристцәа Аԥсны аинтерес ркып ҳәа.

"Урал – ихьшәашәоу регионуп. Аԥсны аҳауа ԥхарреи амшын ҟәандеи хымԥада аинтерес рнаҭоит. Аԥсны аотелиерцәа ргильдиа апрезидент Игор Жигун аусеицуразы ажәадгала ҳаиҭеит. Ҳаргьы ԥхьаҟа Уралтәи аокруг аҟынтәи атуристцәа Аԥсныҟа иааҳашьҭлоит", — иҳәеит иара.

Жигун иазгәеиҭеит Аԥсны аотелиерцәа ргильдиеи Свердловсктәи аобласт абжьаратә бизнеси абизнес маҷи Реидгылеи рнапы зҵарҩыз аусеицуразы Аиқәшаҳаҭра Аԥсны атуристтә бизнес акыр ацхыраара анаҭараны ишыҟоу.

Аусеицура апроект иара убасгьы иазыԥхьагәанаҭоит апрограмма Work and Travel аусура аларгара.

Ажәабжьқәа зегьы
0