Аԥснытәи ашьапылампыласыҩцәа Лондонтәи адунеи ачемпионат иалахәхоит

© Sputnik / Павел Лисицын / Амедиаҵәахырҭахь аиасраФутбол.
Футбол. - Sputnik Аҧсны
Анапаҵаҩра
ConIFA - 2018 адунеи ачемпионат иалахәхараны иҟоуп Африка, Азиа, Европа, Аҩадатәи Америка, Аокеаниа ртәылақәа рҟынтәи аспортсменцәа.

АҞӘА, цәыббра 6– Sputnik, Бадраҟ Аҩӡба. Аԥснытәи ашьапылампыласыҩцәа Лондонтәи адунеи ачемпионат ConIFA — 2018 иалахәхоит. Ачемпионат мҩаԥысраны иҟоуп 2018 шықәса лаҵара 31 инаркны ԥхынгәы 10 рҟынӡа. Абри азы адырра ҟанаҵеит Аԥсны ашьапылампыл азы Афедерациа.

"Англиатәи абукмеикертә еилахәыра ду ахахьы иагеит ачемпионат аиҿкаареи амҩаԥгареи", — иҳәеит Sputnik аинтервиу азҭаз ConIFA апрезидент ихаҭыԥуаҩ Дмитри Пагаа.

Ахәмаррақәа зегьы мҩаԥысраны иҟоуп Лондон ақалақь аҟны.

"ConIFA апрезидент иажәақәа рыла ахәмарырҭатә дәқәа зегьы рхаҭабзиара ҳаракуп. Ҳара уахь ҳцараны ҳаҟоуп 2018 шықәса, ааԥынразы. Атурнир аиҿкаашьеи азырхиашьеи гәаҳҭараны ҳаҟоуп", — иҳәеит Пагаа.

Адунеи ачемпионат амҩаԥгара арыцхә шьақәырӷәӷәан цәыббра 3 рзы Ихьыԥшым ашьапылампылтә еиҿкаара аӡбрала (ConIFA).

Аԥсны еизгоу акоманда адунеи иачемпионуп. 2016 шықәса рзы Аԥсны имҩаԥысуаз адунеи ачемпионат аҟны аиааира агеит.

ConIFA — FIFA иалахәым ашьапылампылтә командақәа жәларбжьаратәи рконфедерациоуп. Еиҿкаан 2013 шықәса рзы. Аилазаара иалоуп 25 инареиҳаны команда.

Ажәабжьқәа зегьы
0