АҞӘА, цәыббра 20 — Sputnik. Аермантәыла Ахада Серж Саргсиан ООН Ассамблеиа хада атрибуна аҟынтәи дықәгыланы иҳәоит Ашьха Ҟарабах (Арцах) астатус иахьазы иҟоу аиҵахашьа шамам, аимакгьы аҭышәныртәалара ҭынч мҩала шакәу ишымҩаԥгатәу. Абри атәы аанацҳауеит Sputnik Армения.
"Аҽазныкгьы иазгәасҭоит, ҳара ҭынчмҩада аҽа мҩак шаҳамбо. Иара убри аан еилаҳкаауеит Арцах азҵаара ауаҩытәыҩса изинқәа ирхадоу – ахалахатәҳәаақәҵара азҵаара акәны ишыҟоу. Ишыҟазаалакгьы Ашьха Ҟарабах (Арцах) астатус иахьазы иҟоу аиҵахашьа амоуроуп", — иҳәеит иара.
Саргсиан иазгәеиҭеит Азербаиџьан азин шамам Арцах ажәлар рзин аԥкра. Иахьазы иҟоу аҩныҵҟатә механизмқәа зегьы, иара иажәақәа рыла, ауаа ршәарҭадара иазырхазароуп. Егьырҭ азҵаарақәа зегьы рҭыԥ ақәҵара еиҳа имарианы ишьоит Аермантәыла ахада.
Саргсиан иара убасгьы иҳәоит Азербаиџьан анапхгара рриторика ацәымӷратә шьаҭа аманы ишыҟоу. Уи убри аҟынӡа аҽарӷәӷәеит ашколтә рҵагашәҟәқәа рҟынгьы ианыԥшыртә еиԥш.
Саргсиан иажәақәа рыла Арцах азхамҵара иаанагом — иқәынхо ажәлар рзинқәа рхы иадмырхәалароуп ҳәа.
