АҞӘА, цәыббра 26 — Sputnik. РУСДРАМ адиректор хада Иракли Хынҭәба ихьӡала ашәҟәы ааит Санкт-Петербург имҩаԥысуа Володинтәи афестиваль аҽаланархәырц. Аҭыԥ аҟны иӡбан афестиваль ахь аспектакль "Хә-хәылԥазык" цәыргахарц. Афестиваль мҩаԥысраны иҟоуп 2018 шықәса рзы. Абри атәы аҳәоит РУСДРАМ асаит.
"Аспектакль "Хә-хәылԥазык" зхаҭабзиара ҳараку спектакльуп. Ҳара уи ҳалаҽхәартә иҟоуп. Сгәы иаанагоит Аԥсны Аҳәынҭқарра афестиваль аҟны ишахәҭоу еиԥш аӡыргара ҳалшап ҳәа", — иҳәеит атеатр адиректор.
Володинтәи афестиваль — Урыстәыла атеатртә ԥсҭазаараҿы аҵак ду зманы иҟоу уснагӡатәуп. Иара иаднаԥхьалоит есышықәса атеатр абзиабаҩцәа, азҟазацәа, акритикцәа.
Афестиваль мҩаԥысраны иҟоуп жәабран 5-10 2018 шықәса рзы.
РУСДРАМ аспектакль ықәыргылахоит Литеини иҟоу Атеатр асценаҿ.
